|E premte, Qershor 23, 2017

28 NËNTOR PA KRISTON NË QYTETIN E PAVARËSISË. KËRKO NDJESË PUBLIKE O PUSHT(ETAR) 

Nga ORNELA HILA – Këtë të hënë priten festime në qytet. Do ketë festë në Vlorën e Pavarësisë. Aktivitetet janë programuar, si cdo vit vetëm ju ndryshohet data.

Do festohet në Vlorën e Pavarësisë pa Kriston 17 vjecar, në shtëpinë e së cilit është hapur vaji e zor se mbyllet. Sa dhimbje e turp për një qytet, e sidomos atij të Pavarësisë.

Besoj si për festë do i shohim buzagaz të gjithë me rradhë si cdo vit, duke na rrecituar fjalime të shkruara nga të tjerë, e duke na treguar histori që i kanë me të dëgjuar.

Nuk do të na flasin për rrugë pa krye, as për punë që nisin e s’mbarojnë, si lungomarja e turpit, që tashmë në prag të festave, ku duhet të ishte ngjyrosur kuq e zi me flamurin shqiptar, u skuq me gjakun e një 17 vjecari dhe zinë e një familje e një qyteti të tërë.

Po afrojnë 24 orë nga tragjedia e Lungomares, e s’kemi parë të dalë të kërkojë falje për ngjarjen asnjë drejtues i pushtetit në Vlorë, asnjë deputet, asnjë drejtues institucioni vendor e qendror, as kryetarin e bashkisë se kemi parë.

Madje përpos tragjedisë së familjes Panajoti, që humbi birin 17 vjecar, këtë ditë Vlora ka përjetuar e jetësuar tragjedinë më të madhe të saj në këto 104 Pavarësi, tragjedinë e të qenurit sistematikisht e tallur dhe përdorur nga pushteti e qeveritë e gjithë këtyre viteve.

Më dhemb shumë jeta e një 17 vjecari, që padyshim do të festonte Festat e Nëntorit me miqtë e tij këtë fillim javë, por që pa pasur vaktin u vra në pabesi, nga mungesa e ndricimit, nga mungesa e një tabele e një rrethimi në atë gropë të hapur në mes të rrugës së bregdetit.  U vra nga papërgjegjshmëria e pushtetit e krimit të lidhur me të.

Kërko ndjesë o Pusht(etar)!

Po po, kërko ndjesë, i cdo niveli qofsh, hesht dhe bëhesh palë me krimin që vrau pabesisht një 17 vjecar e që po vret shpirtërisht mijëra vlonjat cdo ditë nga pak.

Habitem si kanë kurajo të dalin nëpër qytet drejtuesit e bashkisë, deputetët, drejtuesit e institucioneve në Vlorë,  e mbarë politika që do të vijë të celebrojë festën si cdo vit këtë 28 Nëntor.

S’duhen më fjalime, këtë herë s’duhen më lavde për dëshmorët e Pavarësisë, as urime të stisura e sforcuara si cdo vit, këtë herë duhen vetëm falje publike, dënim për përgjegjësit e vërtetë për tragjedinë e së shtunës. Për tragjedinë e këtyre viteve harrese, neglizhence, shkatërrimi;

Duhet ndjesë për një popull të futur në depresion për pak asfalt, pak bojë të bardhë, disa llampa elektrike, e pak tabela.

Këtë  vit për 28 Nëntorin duhen falje publike që Vlorën e 104 vjetorit të Pavarësisë e keni rrobëruar  e regresuar më keq se para 104 vjetëve. Asokohe 17 vjecarët nuk binin në gropat e krimit, por për atdhe.

RIP për Kriston e vogël! Ngushëllime Familjes! Turp për të gjithë ju të tjerët që vazhdoni të heshtni!

Add a Comment

Twitter
ALB365 on Twitter
Latest Tweet: Rama – Fevziut/ Kam dështuar https://t.co/dc7ckyShYT https://t.co/bZhSf6tEvn
11,398 people follow ALB365
Twitter Pic Bougainv Twitter Pic cammipha Twitter Pic McBrideM Twitter Pic olsimust Twitter Pic albanaHa Twitter Pic kwabbybo Twitter Pic PercjaSu Twitter Pic Ianndest Twitter Pic brent633 Twitter Pic ivicespe Twitter Pic dawifey1 Twitter Pic maycol_p Twitter Pic bs_badgu Twitter Pic angie_an Twitter Pic be_be_AT Twitter Pic koseno Twitter Pic GoranPet Twitter Pic devendar Twitter Pic moazreza Twitter Pic shaunteb
Këtë e pëlqejnë %d blogues:
Read more:
PDIU sinkronizohet me LSI-në. S’ka zgjedhje pa opozitën!

PDIU duket se është në një linjë me Lëvizjen Socialiste për Integrim kur fjala vjen tek zgjedhjet. Deputetja e Partisë...

Close