|E enjte, Qershor 29, 2017

Atentat tek ish-Blloku, qëllohet për vdekje biznesmeni Artan Santo. 

santo        Tiranë – Një ngjarje e rëndë është shënuar në zonën e ish-Bllokut në Tiranë ku është qëlluar për vdekje me armë zjarri biznesmeni Artan Santo 58-vjeç. Krimi ka ndodhur paraditen e sotme pranë selisë qëndrore të bankës “Credins” në zonën e ish-Bllokut teksa Artan Santo ishte duke hyrë në institucion.

Artan Santo, bashkëpronar i medias “Focus Group” dhe bashkëpronar i bankës ‘Credins’, ‘TV Scan’ është qëlluar 6 herë nga dy persona të maskuar me motorr. Menjëherë pas krimit ata janë larguar drejt zonës së Liqenit.

Aktualisht në zonën e Liqenit Artificial dhe gjithë akset që lidhin këtë liqen janë ngritur postblloqe që lidhin këtë zonë. Njësi speciale janë duke kontrolluar me imtësi mbare ish-Bllokun për kapjen e autorëve.

Ka pasur dëshmitarë të shumtë në vendngjarje mes tyre dhe një luleshitëse. Ata kanë pohuar se personat e kanë pasur në shënjestër biznesmenin dhe e kanë qëlluar me arme zjarri tip, pistoletë. Pas kësaj autorët janë larguar me shpejtësi nga vendngjarja.

Burime nga policia bëjnë të ditur se motori i autorëve ishte i llojit “Scooter”, 500 kubikesh me dy numrat e fundit të targës 09.

Pritet të zbardhen pamjet filmike që kamerat e sigurisë së bankës “Credins” dhe bizneseve aty pranë kanë regjistruar në momentet e krimit.

Sipas policise, biznesmeni është qëlluar nga vrasës profesionistë me pagesë. Pas ngjarjes një polic rrugor dyshohet se ka qëlluar drejt autorëve dhe i ka ndjekur, por pa rezultat.

Burime nga policia bëjnë me dije se autorët janë ndjekur deri në kufi me Fushë-Krujën dhe te “Ura e Gjolës” kanë humbur gjurmët. Ndërkohë FNSH dhe RENEA kanë shkuar drejt zonës të dyshuar. Ndjekja e autorëve po behet edhe me helikopterë, ndersa postblloqe jane vendosur dhe në hyrje të Fushë-Krujës dhe te Ura e Gjolës si dhe në Thumanë, Mamurras dhe në rrugë dytësore.

VERSIONI ZYRTAR I POLICISË SË TIRANËS

Sipas informacioneve që vinë nga policia e kryeqytetit, mësohet se atentati ndaj Artan Santos ka ndodhur rreth orës 09.30. “Ditën e sotme rreth orës 09.30 është vrarë me armë zjarri shtetasi Artan Santo, 58 vjeç, me detyrë Drejtori i Përgjithshëm i një banke të nivelit të dytë.

Aktualisht grupi hetimor po kryen veprimet e para hetimore dhe procedurale për të zbardhur tërësisht këtë ngjarje me synim identifikimin dhe kapjen e autoreve.”-thuhet në versionin zyrtar të policisë së kryeqytetit.

KUSH ISHTE ARTAN SANTO

Artan Santo, biznesmeni 58 vjeçar që u ekzekutua mëngjesin e sotëm ishte babai i dy fëmijëve. Ai ka qenë i njohur në Shqipëri si pronar dhe bashkëpronar i disa aktiviteteve bankare por edhe mediatike. Ai lindi ne Tirane ne shtator te vitit 1956.

1976-1979 – Fakulteti i Ekonomisë, diplomohet ekonomist kontabël.
1981-1987 – Fakulteti i Shkencave Politike –Juridike, diplomohet jurist.

Eksperienca e punës

Bashkëpronari i medias “Focus Group” dhe i TV Scan
2003-2004 e në vazhdim: Drejtor ekzekutiv i Credins Bank.
2001-2002 Instituti Financiar Credins, drejtor i kreditit.
1997-2001 Banka e Kursimeve, drejtor i përgjithshëm.
1994-1997 Banka e Kursimeve, drejtor i Drejtorisë së Huave me Probleme.
1993-1994 Banka e Kursimeve, zv.drejtor i përgjithshëm, drejtor i Degës Tiranë.
1992-1994 Banka e Kursimeve, zv.drejtor i përgjithshëm – drejtor i Kreditit.
1991-1992 Banka e Kursimeve, specialist krediti.
1989-1990 Banka e Shtetit Shqiptar, shef i sektorit studimor në Drejtorinë e Kambizmit
1990-1991 Banka e Shtetit Shqiptar, zv.drejtor i Drejtorisë së Jashtme.
1984-1991 Instituti i Studimeve Ekonomike, Sektori i Studimit të Ekonomisë Botërore bashkëpunëtor tekoniko – shkencor.
1981-1984 Ndërmarrja Tregtare Industriale Tiranë, kryerevizor.

Artan Santo njihet si njeriu që bëri kthesën në Bankën e Kursimeve. Në korrik të 97-ës, kohë në të cilën Santo emërohet drejtor i përgjithshëm i kësaj banke, bilanci financiar i saj ishte me një humbje prej 6.6 miliardë lekësh. Ndërkohë që kur është larguar në shkurt të viti 2001, rezultati financiar i vitit 2000 i bankës ishte 6 miliardë lekë fitim. “Ndihem tërësisht krenar për faktin që arrita të ndryshoj situatën financiare të gjigantit bankar në Shqipëri”, – thotë Santo.

” Ishte fakt që eksperienca e gjatë në poste të ndryshme në Bankën e Kursimeve dha rezultat në punën time si drejtor i saj”, eshte shprehur dikur ai.

alb365.com

Add a Comment

Twitter
ALB365 on Twitter
Latest Tweet: Bashkia – KUJDES nga temperaturat e larta, rrezik zjarri https://t.co/RFNvr9n7Fs https://t.co/55yzDd1Koc
11,392 people follow ALB365
Twitter Pic johnramp Twitter Pic Bougainv Twitter Pic cammipha Twitter Pic olsimust Twitter Pic albanaHa Twitter Pic kwabbybo Twitter Pic PercjaSu Twitter Pic Ianndest Twitter Pic brent633 Twitter Pic ivicespe Twitter Pic dawifey1 Twitter Pic maycol_p Twitter Pic bs_badgu Twitter Pic angie_an Twitter Pic be_be_AT Twitter Pic koseno Twitter Pic GoranPet Twitter Pic devendar Twitter Pic moazreza Twitter Pic shaunteb
Këtë e pëlqejnë %d blogues:
Read more:
Njerëzit duartrokasin praninë e 4 krerëve shqiptarë të besimeve fetare. (video)

  Francë - Paris, njerëzit duartrokasin praninë e 4 krerëve shqiptarë të besimeve fetare.   Shqipëria çon në marshimin në Paris,...

Close