|E shtunë, Prill 29, 2017

Banorët e Mbyetit: Mos na helmoni me plehra, stërhiqemi nga protestat 

Fier – Banorët e fshatit Mbyet në Fier, kanë protestuar për të tretën ditë më radhë kundër ndërtimit të landfillit të përpunimit të mbetjeve. Banorët thonë se do të vijojnë të protestojnë deri në anulimin e vendimit për ndërtimin e impiantit. Ndërkohë policia ka proçeduar 12 prej banorëve protestues për grumbullim të paligjshëm.

Banorët e fshatit Mbyet në Fier kanë vijuar për të tretën ditë me radhë, protestat kundër ndërtimit të landfillit.

Pavarësisht se protesta e tyre cilësohet e paligjshme nga policia, banorët thonë se nuk do të tërhiqen deri në anulimin e vendimit për ndërtimin e landfillit të përpunimit të mbetjeve.

Ata kërkojnë që shteti të mos sjellë mbetjet në Plyk, ku banesat janë shumë pranë vendit të përcaktuar për landfillin.

Banori: Është më ligj që duhet larg zonave të banuara, as 50 metra larg tij janë shtëpitë, ku do shkojnë këta? Nuk bëhet fjalë për tokën, ku do të shkojmë ne si banorë? Kanë ardhur të shtunave dhe të dielave dhe na kanë matur tokat pa leje, është shkelje e pronës dhe individit.

Banori: Të bashkohen, të vijë Plyku, Krabzi, Driza, Mbyeti. Të tërë të çohen se do të na helmojnë me plehra. Për këta kalamaj bëhet kjo luftë këtu, nuk bëhet për ne.

Ndërkohë policia e Fierit njofton se ka proceduar penalisht 12 banorë protestues të fshatit Mbyet, për grumbullim të paligjshëm dhe kundërshtim të policisë.

Add a Comment

Twitter
ALB365 on Twitter
Latest Tweet: Lista e PDIU në 12 qarqe https://t.co/EewK9td4nu https://t.co/G3phtgVea4
11,488 people follow ALB365
Twitter Pic Joseph_I Twitter Pic ana_rdz9 Twitter Pic namethat Twitter Pic misslege Twitter Pic felrncs Twitter Pic Chriscur Twitter Pic Dodis09 Twitter Pic alexfull Twitter Pic daredevi Twitter Pic sammy42r Twitter Pic Princeto Twitter Pic Carinibi Twitter Pic YuukiRus Twitter Pic jsnugs50 Twitter Pic markin_m Twitter Pic edbiocel Twitter Pic Alex_Bub Twitter Pic natali3b Twitter Pic tburt559 Twitter Pic ollita03
Këtë e pëlqejnë %d blogues:
Read more:
Arrestohet një person , 2 shpallen në kërkim dhe 2 në hetim të lirë.

Fier - Më datë 04.11.2014, filloi procedimi penal dhe u shpall në kërkim shtetasi Barjam .S ,vjec 49, banues në...

Close