|E enjte, Mars 30, 2017

Basha: Pseudoreformë, maturantja me medalje ari nuk fiton! 

Kreu i Partisë Demokratike, duke e cilësuar reformën në arsimin e lartë si një pseudoreformë të rënë që në nisje dhe që prodhoi padrejtësi, theksoi se mijëra maturantë sot janë lënë në rrugë nga Edi Rama në momentin më të rëndësishëm të jetës së tyre.

Sipas Bashës, sot shohim që mesatarja e shkëlqyer, papritur përfundon në mesatare të ulët, çka sipas tij hedh poshtë mundin dhe talentin e studentëve me një të rënë lapsi. Për ta ilustruar këtë, Basha sjell rastin e një maturanteje nga Shkodra.

Basha: Si rasti i maturantes nga Shkodra me medalje ari, fituese e olimpiadave kombëtare, e cila e sheh sot veten jo-fituese në cdo universitet që ka aplikuar. Apo maturantja e përlotur në zyrën e ministres së Ramës, Linditës anti-dije, anti-arsim, që i ndërpret paturpësisht dhe fjalën.

Edi Rama nuk u dha kohë të mjaftueshme maturantëve për të zgjedhur, lista fillestare nuk është e shpallur, ska transparencë, ka krijuar shtigje për të futur tarafin e vet në shkollë të lartë. Abuzimi me kriteret e mesatares është në fakt dera e hapur për një korrupsion masiv të trafikimit të vendeve në universitet.

Kreu demokrat tha se këto janë rezultatet dramatike, ndërsa qëllimi i Edi Ramës sipas tij, janë studentët por kapja e universiteteve dhe e rektorëve nëpërmjet bordit të administrimit.

Basha: Bordi i administrimit nuk është gjë tjetër veçse dora e zgjatur e Edi Ramës që ka marrë sot autonominë, financat, çdo burim universiteteve, vendos ku do shkojnë fondet, sundon rektorët e pedagogët. Kërkojmë që KLSH të nisë menjëherë një auditim të plotë të procesit. Ne faqen zyrtare të Partisë Demokratike është në funksion aplikacioni ku çdo maturant mund të denoncojë rastin e tij, dhe ne do ta ndjekim. http://www.pd.al/trego-rastin-tend/

Add a Comment

Twitter
ALB365 on Twitter
Latest Tweet: https://t.co/sWM7U77R7D https://t.co/3oixT16cFl
4,031 people follow ALB365

Këtë e pëlqejnë %d blogues:
Read more:
Xhensila e BB8 aktore në një serial turk ?!

Tiranë - Xhensila Pere, e cila përfaqësoi Shqipërinë në “Miss Exclusive of the World” që u organizua pak ditë më...

Close