|E mërkurë, Gusht 23, 2017

Berisha, po na mohohet e drejta kushtetuese. 

sali-berisha-2009-7-2-15-20-27   Tirane – Ish kreu i shtetit, Sali Berisha, ka reaguar ndaj sherrit të ditës së sotme në Parlament. Ai është shprehur se e dashur miq, përpjekjet për të kontribuar në jetën parlamentare të vendit dhe përmbushur detyrimet kushtetuese si opozitë e vendit, kanë si përgjigje mohimin e të drejtave kushtetuese në Parlament nga Edvin Kristaq Rama dhe sulmin fizik ndaj deputeteve të opozitës.

“Përfaqësuesit e aleancës së qelbësirave Qefalia, Prenga, Fino dhe Bejko me urdhër të Ramës, sipas një skenari të nisur javë më parë, agresuan në detyrë, në ambientet e Parlamentit deputetin Gent Strazimiri. Javën e kaluar, po me urdhër të Ramës, kjo aleancë i mohoi opozitës të drejtën kushtetuese për ngritjen e komisionit hetimor parlamentar për hetimin e lidhjeve të Ramës dhe qeveritarëve të tjerë me drogën”, shkruan deputeti Betish në Facebook.

Ai i ka cilësuar këto ditë si të zeza për shoqërinë tonë. Sipas Berishës, akuzave të bazuara për lidhje të neo-bllokmenëve me drogën dhe krimin, për mega mashtrimet elektorale të Edvin Kristaq Ramës, për shkatërrimin e mbi 30 mijë vendeve pune, për vjedhjet e mëdha në tendera, dogana dhe tatime, kërkesave të ligjshme të grevistëve të urisë për vendin e punës, klika në pushtet iu përgjigjet me shkelmimin e të drejtave kushtetuese të deputetëve të opozitës dhe organizimin e akteve banditeske ndaj tyre në Parlament, iu përgjigjet me kërcënime me portretet e Enver Hoxhës, Hitlerit shqiptar të Pasluftës, me ndjekje penale të grevistëve që po flijohen për të drejtat e tyre.

“Shqipërinë e shpëton nga kjo klikë vetëm betimi juaj për largimin e tyre nga pushteti. “Rama IK” duhet të jetë vendimi ynë, beteja jonë, fitorja jonë!” ,përfundon shkrimin e tij Berisha.

alb365.com

Add a Comment

Twitter
@ALB365 on Twitter
Latest Tweet:
0 people follow @ALB365

Këtë e pëlqejnë %d blogues:
Read more:
Çela: 10 korriku afati për faturat e 2014 për bizneset

Tiranë - Operatori i Shpërndarjes së Energjisë iu ka lënë afat deri më 10 korrik bizneseve debitore në bregdet për të...

Close