|E mërkurë, Maj 24, 2017

Blushi krijon partinë e re. Ja si do funksionojë, personazhet 

Ben Blushi mblodhi sonte në mbrëmje për herë të parë atë që do të jetë bërthama e Partisë së tij të re. Vetëm pak ditë pas zyrtarizimit të pritshëm të largimit nga Partia Socialiste, pjesë e së cilës ishte që nga viti 1998, Blushi ka mbledhur rreth vetes emra të njohur që do të jenë pjesë e kryesisë së Partisë që ai drejton.

Partia e Blushit do të konfirmohet në datën 10 nëntor, ndërkohë që mësohet se emri i Partisë do të zgjidhet pas konsultimeve kolektive.

Statuti i Partisë së Blushit do të quhet “Libri i Rregullave”. Ndërsa kryesia do të quhet “Berthama” dhe do të përbëhet nga 21 anëtarë, të cilët do të zgjidhen pas zgjedhjeve nëpër rrethe.

Për “Opinion.al” bëhet e ditur se funksionimi i Partisë së Blushit do të jetë në bazë të organizimit kapilar, nga baza ose anëtarësia që do të quhet “Forum” deri tek Kryetari.

Një nga risitë është se kryetarët nëpër rrethe nuk do të kenë më shumë se dy mandate.

Një nga emrat e parë që i janë bashkuar Partisë së Blushit do të jetë tenori i mirënjohur Agim Hushi, i cili së fundmi hodhi kandidaturën për drejtues të Teatrit të Operas dhe Baletit.

Ndërkohë që siç është mësuar, kësaj partie i është bashkuar në orët e fundit edhe Mimoza Hafizi, deputete dhe ish- Zv/ministre e Arsimit.

Po kështu, në Partinë e Blushit priten të zbardhen edhe emra të tjerë nga bota akademike, si edhe shumë emra të rinj.

Add a Comment

Twitter
ALB365 on Twitter
Latest Tweet: Basha – Ramës/ Pse nuk i mban premtimet? https://t.co/ZZ47KJn03Q https://t.co/MoNMExEeQM
11,445 people follow ALB365

Këtë e pëlqejnë %d blogues:
Read more:
Historia prekëse e priftit nga Fieri që emocionoi Papa Franceskun

Papa Francesko ka vizituar të martën më 10 nëntor qytetin e Firences. Gjatë Kuvendit Kombëtar Kishtar të mbledhur në Katedralen...

Close