|E martë, Korrik 25, 2017

Bylykbashi: Në Dibër u blenë votat, u ndanë milionat 

Partia Demokratike është e bindur se në Dibër janë vjedhur votat. Në një dalje për mediat nga selia blu, deputeti Oerd Bylykbashi tha se grupi i strukturuar kriminal ka ndarë miliona lek për të blerë votat.

Bylykbashi: Rastet e publikuara në media, apo ditën e zgjedhjeve janë dëshmi jo thjesht të blerjes së votës.

Ato dëshmojnë se në Dibër funksionoi një skemë e mirëorganizuar me fond dhe pagatorë të vënë në dispozicion për blerjen e votës.

Funksionarë të lartë të Bashkisë, kryekëshilltarja e Keshillit bashkiak, dhe vëllezërit e Muharrem Ramës janë kapur me zë e me figurë duke kryer krimin elektoral.

Këto janë rastet sporadike të një rrjeti të mirëorganizuar që kishte lëshuar tentakulat në cdo qendër votimi, pa përjashtim.

Duke nisur nga drejtuesit politikë të fushatës në bashkëpunim me figurat e njohura të krimit të organizuar drejtorë të administratës qendrore dhe lokale, shefa policie, administratorë, kryepleqtë, dhe zyrtarë publikë, ky grup i strukturuar kriminal ka ndarë milionat që duheshin, njerëzit që do të kryenin operacionin, duke llogaritur e paracaktuar blerjen e votave sipas cdo qendre votimi.

Sipas cdo qendre votimi.

Mbi bazën e parave të hedhura, ata e dinin se sa vota kishin marrë.

Kjo eshtë kjo arsyeja se pse ata nuk bënë fushatë, pse kandidati i tyre refuzoi cdo perballje me kandidatin tone dhe nuk ju dëgjua zëri gjatë fushatës. Eshtë kjo arsyeja pse nuk kishin një platforme, dhe refuzuan vazhdimisht debatin.

E bënë këtë, sepse kishin blerë dhe kapur votën.

Ju kujtohet kur deklaruan të dielën në darkë, se e dinin cfarë kishin kutitë brenda.

E dinin, sepse brenda kutive ishin miliona euro të hedhura për të prishur zgjedhjet, për të ndalur garën, për të zhdukur konkurencën.

Ndërkohë që Partia Demokratike po përgatit raportin e plotë e të detajuar të rasteve te evidentuara që janë vetëm indiciet e kësaj masakre me votën në Dibër, ne i bëjmë thirrje prokurorisë të lëvizë, të hetojë e të marrë në përgjegjësi penale, për rastet e njohura deri tani, të bëra publike në media dhe nga qytetarët.

Dibra është prova se zgjedhje të lira me Edi Ramën dhe kartelin e tij të drogës nuk ka.

Eshtë koha për një reflektim të thellë kombëtar dhe veprim të përbashkët në të gjitha drejtimet për lirinë e votës pa të cilën nuk mund të ketë asnjë liri tjetër.

Lufta totale me Kartelin e Drogës, krimit dhe korrupsionit sapo ka filluar.

Add a Comment

Twitter
ALB365 on Twitter
Latest Tweet: I liked a @YouTube video https://t.co/0osDjdR3op Bashkitë Patos, Mallakastër dhe Roskovec duhet të paisen me zjarrëfikse
11,308 people follow ALB365

Këtë e pëlqejnë %d blogues:
Read more:
Serbia përmes xhamisë së Zemunit edhe kundër Luginës së Preshevës!

Kosovë - Nga Skënder Jashari - I  shtyrë nga   ngjarjet  e fundit, me të cilat  Agjenturat  e Serbisë, janë  vënë ...

Close