|E enjte, Gusht 17, 2017

“CR7 më i miri në histori të futbollit” 

Jorge Mendes beson se Ronaldo meriton Topin e Artë për vitin 2016

Agjenti i Cristiano Ronaldos, Jorge Mendes ka thënë se ylli i Real Madridit është lojtari më i mirë në historinë e futbollit dhe meriton ta fitojë Topin e Artë këtë vit, transmeton Express.

Portugezi pas fitimit të titullit “Goal 50” për herë të katërt, shihet si favoriti kryesor për ta fituar edhe “Topin e Artë”, që këtë vit ndahet nga “France Football”.

“Ronaldo ka pasur një sezon fantastik”, tha fillimisht Mendes.

“Ai ka fituar Ligën e Kampionëve me Real Madridin, duke shënuar 16 gola dhe ka fituar Evropianin me Portugalinë. Për një shtet të vogël, fitorja e këtij titulli ka qenë i pamenduar dhe kjo vlen tri herë më shumë se sa fitorja e ndonjë shteti tjetër”, ka shtuar Mendes.

Sipas tij, shpallja e Ronaldos si futbollisti më i mirë në botë nga “Goal 50” është më se i merituar dhe beson se me të drejtë portugezit do t’i jepet edhe Topi i Artë si dhe do të konsiderohet si futbollisti më i mirë nga FIFA.

“Ai është një luftëtar, tejkalon vetën çdo ditë dhe nga perspektiva ime, Cristiano pa dyshim që është futbollisti më i mirë në histori të futbollit”, përfundoi agjenti i CR7.

Add a Comment

Twitter
@ALB365 on Twitter
Latest Tweet:
0 people follow @ALB365

Këtë e pëlqejnë %d blogues:
Read more:
Hitleri po përgatiste holokaustin bërthamor. (foto e video)

Gjermani - Një gjigante armë sekrete fabrikë naziste, ku mund të ndërtohet deri bombë atomike, doli në dritë në një...

Close