|Monday, December 5, 2016
  • NA NDIQ NË

Deklarata “bombë“ e gjyqtarit: Ka drejtorë bankash që luajnë bixhoz me paratë e shqiptarëve 

3d13e05e-671b-465e-964c-3e006279ebfb-4764-0000037a05196465_tmp

TIranë – Kryetari i Shoqatës së Gjyqtarëve Gerd Hoxha, ka bërë një deklaratë “bombë” në takimin e organizuar nga dhoma e Përmbarimit në ambientet e “Rogner”. Hoxha tha se ekzistojnë vendime gjyqësore sipas të cilave drejtorë bankash luajnë bixhoz me paratë e shqiptarëve, raporton newsbomb.al.

“Ka plot vendime gjyqësore për njerëz në banka me lidhje me klientët për procedura dhe afera korruptive. Ashtu sikurse ka edhe drejtues bankash, dhe për ta ka vendime që janë të dashuruar me këto lojërat e fatit dhe luajnë bixhoz me paratë e qytetarëve” deklaroi Hoxha gjatë takimit për problematikën e kredive të këqija organizuar nga Dhoma e përmbaruesve privatë.

Së fundi, gjyqtari me eksperiencë ka dhënë edhe një sugjerim për zv.ministrin e Drejtësisë Eridian Salianji që ishte prezent në tavolinë.

“Ne gjyqtarët nuk jemi engjëj. Por dua të shpreh shqetësim te gjyqtarëve që shpeshherë nuk merren parasysh mendimet e tyre. Kam një rekomandim: të thjeshtohen procedurat dhe të kemi mundësi ekzekutimi. Të shkurtohet procesi”,- tha Hoxha.

alb365/balkanweb

Add a Comment

%d bloggers like this: