|E hënë, Dhjetor 11, 2017

Forcohet Sistemi Automatik të Doganave. 

spiropali_2   USA – Sot, në OKB, Dogana Shqiptare ka “firmosur” përforcimin e Sistemit të saj Automatik të Doganave dhe njëkohësisht, edhe hapjen e “korridorit të përbashkët” të tranzitit Shqipëri – Kosovë, pas provës së parë së sukseshme që bëri disa javë më parë.

Drejtorja e Përgjithshme e Doganave, Elisa Spiropali bën të ditur se “sot në selinë e Kombeve të Bashkuara në Gjenevë sëbashku me Zv. Sekretarin e Përgjithshëm të UNCTAD (Konferenca e Kombeve të Bashkuara për Tregti dhe Zhvillim) nënshkruam marrëveshjen për përmirësim (upgrade) e sistemit ASYCUDA si dhe në bashkëpunim me delegacionin e doganave të Kosovës ramë dakord për korridorin e përbashkët të tranzitit Shqipëri-Kosovë që do implementohet nga UNCTAD dhe do shënojë një revolucion në marrdhëniet tregtare mes Shqipërisë dhe Kosovës.”

ASYCUDA (Automated System for Custom Data) është projekti i Automatizimit të Proçedurave Doganore në Shqipëri, i financuar nga Bashkimi Europian.

Ai ka pasur për qëllim krijimin e një baze për një Sistem të Integruar të Informacionit Doganor, nëpërmjet përdorimit të një programi kompjuterik të zhvilluar nga Konferenca e Kombeve të Bashkuara për Tregti dhe Zhvillim (UNCTAD), që përdoret aktualisht në mbi 80 vende nëpër botë.

Qëllimi i përgjithshëm i këtij projekti është përmirësimi i financave të Qeverisë dhe forcimi i ekonomisë shqiptare duke rritur efikasitetin në sektorin e tregtisë së jashtme.

alb365.com

Add a Comment

Twitter
@ALB365 on Twitter
Latest Tweet:
0 people follow @ALB365

Këtë e pëlqejnë %d blogues:
Read more:
Thaçi: Serbia do njohë Kosovën, ky është dialogu përmbyllës në Bruksel.

     Kosovë - Kryeministri në detyrë, Hashim...

Close