|E martë, Dhjetor 12, 2017

Fyle neser ne Tirane, raporti pozitiv. 

fyle     Bruksel – Raporti i Komisionit Europian për Shqipërinë është pozitiv. Këtë e kanë konfirmuar për “A1 Report” burime nga KE. “A1 Report” ka mundur të zbardhë një pjesë të Progres-Raportit për Shqipërinë, në të cilin theksohet se “Rekomandohet dhënia e statusit për Shqipërinë”.

Mësohet se Fyle do të takojë paraprakisht nesër anëtarët e qeverisë, përfaqësuesit e opozitës, por edhe përfaqësues të shoqërisë civile. Lajmi bëhet i ditur nga zëdhënësi i KE, Peter Stano.

Stano theksoi se raporti do të shërbejë si bazë për diskutimet e vendeve anëtare në Samitin e Këshillit Europian më vonë gjatë këtij muaji, kur ata do të vendosin për statusin e vendit kandidat. Zyrtari evropian njofton ndër të tjera se nuk bëhet fjalë për një raport-progresi, por për një raport që vendet e Bashkimit Europian ia kanë kërkuar Komisionit Europian, ku të përmblidhen përpjekjet e qeverisë shqiptare, progresi i arritur në luftën kundër korrupsionit, krimit të organizuar dhe ecuria në reformën gjyqësore

Komisioneri për Zgjerimin Stefan Fyle dhe Kryeministri Edi Rama do të japin një konferencë të përbashkët për shtyp të mërkurën në orën 12:00 në Hotel Sheraton në vijim të raundit të tretë të Dialogut të Nivelit të Lartë mbi Përparësitë Kyçe për Shqipërinë.

Progres-raporti i KE vlerëson reformat e ndërmarra nga qeveria shqiptare në muajt e fundit, si dhe përpjekjet në luftën kundër korrupsionit dhe krimit të organizuar.

alb365.com

Add a Comment

Twitter
@ALB365 on Twitter
Latest Tweet:
0 people follow @ALB365

Këtë e pëlqejnë %d blogues:
Read more:
I plagosuri me tre plumba në Ekuador është kosovar, emri

Mediat ekuadoriane kanë publikuar emrin e shqiptarit...

Close