|Tuesday, December 6, 2016
  • NA NDIQ NË

KPTHN me pronar të rinj, rinis punën 

vlcsnap-2016-09-02-14h58m31s145

Mallakastër – Rivënia në punë e rafinerisë së naftës në Ballsh nga ana e një kompanie amerikane, ka qënë qëllimi i  një vizite të zv.Kryeministrit Niko Peleshi dhe ministrit të Financave Arben Ahmetaj, pikërisht në uzinën e Ballshit.

Filimisht Peleshi e Ahmetaj biseduan jashtë fokusit të mediat me përfaqësuesin e kompanisë amerikane, Harry Sourge por edhe drejtorin e ri të uzinës, Roland Shehu, për të vijuar më pas me vizitën në ambientet e rafinerisë, aty ka tashmë 200 punëtorë kanë filluar punën për riparimet që po I bëhen uzinës për ta vënë atë në funskion të plotë.

 Në fjalën e tij për median, ministri Ahmetaj e ka cilësuar si një lajm të mirë rihapjen e rafinerisë, ndërsa nuk I ka kursyer fjalët e ashpra për qeverinë paraardhëse, duke theksuar se kanë qënë aferat korruptive në privatizimin e kësaj kompanie të qeverisë së dhjathtë, ato të cilat bënë që kjo rafineri të shkonte drejt mbylljes. Ahmetaj ka theksuar se ashtu sic kishte premtuar qeveria e mbajti fjalën për rivënien në funskion të rafinerisë, ndërsa ka shtuar se tashmë kukuvajkat e SHQUPIT, -duke iu referuar opozitës, nuk kanë se me cfarë të gëzohen më pasi 1200 punëtorët e kësaj  uzine do të rikthehen në punë.

Ministri i Financave, Arben Ahmetaj, nuk kurseu edhe falenderimet për grupin e kompanive, të cilat do të investojnë dhe do të rivënë në funksion këtë rafineri, duke u shprehur se shumë shpejt ato do të punojnë në kapacitet të plotë. I pyetur në lidhje me borxhet e kompanisë ARMO, Ahmetaj është shprehur se grupi amerikan I ka marë asetet e kësaj kompanie nga bankat dhe se tashmë amerikanët janë pronarët e rinj të saj.

Ndërkohë zv. Kryemininistri Niko Peleshi I ka uruar mirëseradhjen investitorëve të huaj, ndërsa është ndalur tek politikat qeverisëse për ti dhënë mundësi të huajve të investojnë në vendin tonë dhe për të hapur vende të reja pune. Peleshi ka shpjeguar rolin e politikës në fusha të ndryshme të ekonomisë, ndërsa ka shtuar se nuk duhet të përsëriten gabimet e së shkuarës.

Nga ana e tij përfaqësuesi i kompanisë amerikane, Harry Sourge, ka falenderuar qeverinë shqipëtare për mundësinë që I ka dhënë kësaj kompanie për të investuar në vendin tonë ndërsa ka shtuar se arritja e një marrëveshjeje ishte tepër e vështirë.

Edhe përfaqësues të konfederatës së naftëtarëve janë shprehur të lumtur për rivënien në punë të rafinerisë së Ballshit, ndërsa kanë shtuar se cështja e pagave të prapambetura të tyre do të zgjidhet nga gjykata.

Rafineria e naftës në Ballsh prej një viti ka pushuar së funksionuari ndërsa po prej kaq kohësh 1200 punëtorë të kësaj rafinerie nuk kanë marë pagat e tyre. Tashmë me rivënien në punë të rafinerisë, të gjithë këta punëtorë do të kenë mundësi të rikthehen në punë.

Add a Comment

%d bloggers like this: