|E enjte, Tetor 19, 2017

KPTHN rinis punën, Bankers do të kryej furnizimin me naftë bruto 

Tiranë – Bankers Petroleum firmos marrëveshjen e kushtëzuar në tregun vendas me Ionian Refining e Trading Co. Sipas kësaj marrëveshjeje deri në 65% e prodhimit të naftës së prodhuar nga kompania do të shitet në tregun vendas. Kompania IRTC do ta perpunoje ate ne rafinerite e Fierit dhe te Ballshit.

Kompania informon:“Marrëveshja do të bëhet efektive pasi Bankers të marrë miratimin nga Qeveria Shqiptare për programin e propozuar të shpimit të kompanisë për tremujorin e katërt 2016 dhe pas respektimit të amendamenteve për procedurat ndërmjet kompanisë dhe Albpetrol për tërheqjen e pjesën e prodhimit të naftës së prodhuar në Patos-Marinzës që i përket Albpetrol.

Sapo të bëhet efektive, Bankers të shesë deri në 65% të prodhimit të naftës bruto në bazë të kësaj marrëveshjeje. Kompania do të marrë garanci pagese në advancë për ngarkesat e naftës bruto. Në përputhje me marrëveshjen, ngarkesat e naftës do të shiten gjatë periudhës 1 tetor 2016- 31 Dhjetor 2017.

Në njoftimin e sotëm për shtyp thuhet: “Çmimi i naftës, sipas kësaj marrëveshjeje, bazohet në atë të eksportit duke zbritur kostot e transportit dhe tarifat portuale. IRTC do të përpunojë naftën bruto në rafineritë vendase të Fierit dhe Ballshit. Pjesa tjetër e naftës së prodhuar nga Bankers do të vijojë të shitet në tregun e eksportit

Bankers thotë se është e kënaqur të shohë ri-hyrjen si një punëdhënës në vend të rafinerisë vendase dhe mirëpret bashkëpunimin me Qeverinë Shqiptare, agjencitë e saj dhe IRTC për të zbatuar këtë marrëveshje.

Përditësim mbi Transaksionin e Korporatës

Bankers dhe Geo-Jade Petroleum Corporation mbeten të anagazhuara për të përfunduar transaksionin e korporatës në vazhdimësi të marrëveshjes së arritur në 19 Mars, 2016. Transaksioni pritet të mbyllet brenda 30 Shtatorit 2016 dhe mbetet ende subjekt i miratimit nga Administrata Kineze e Këmbimit Valutor (SAFE). Pas përfundimit me sukses së procedurave, Bankers nuk do të listohet më në Bursën e Toronto-s dhe të Londrës.

alb365

Add a Comment

Twitter
@ALB365 on Twitter
Latest Tweet:
0 people follow @ALB365

Këtë e pëlqejnë %d blogues:
Read more:
“Lista Serbe” kushtëzon hyrjen në Qeverinë e re.

Kosovë - Deputetët e Listës “Srpska” kërcënojnë se nuk do të votojnë për ndryshimet kushtetuese e zgjedhore, nëse atyre nuk...

Close