|Friday, December 9, 2016
  • NA NDIQ NË

Kryeprokurori Llalla firmos ndryshimet për disa drejtues 

Prokuroria e Përgjithshmë është përfshirë ditët e fundit nga një valë ndryshimesh që kanë prekur krerët e disa prokurorivë në rrethe.

Ndryshimet janë bërë me kërkesë të Këshillit të Prokurorisë dhe janë miratuar nga kreu i institucionit Adriatik Llalla.

Lëvizjet  kanë prekur  prokuroritë e rretheve më të medha si Tirana, ku kreu i saj Petrit Fusha është emëruar  në Prokurorinë e Përgjithshme, Vlora ku kreu i saj  Ramadan Troci  edhe ky është  emëruar  në Prokurorinë e Përgjithshme si dhe prokurorinë e Elbasanit ku është larguar me kërkesë të tij  kreu aktual Besnik Cani .

Por pavarësisht emërimeve në Prokurorinë e Përgjithshme dy krerët e Prokurorisë së Tiranës dhe Vlorës do të qëndrojnë në detyrën e mëparshme  të komanduar deri në emërimin e drejtuesit të ri.

Ish kreu  i Prokurorisë së Elbasanit, Besnik Cani është emëruar prokuror në Prokurorine e Tiranës dhe në vend të tij është komanduar Dritan Gina, i cili deri tani ka qënë prokuror në Durrës.

Ndërkohë Këshilli ka  propozuar ndryshime edhe për kreun e prokurorise së Fierit, Ardian Ylli edhe ky ka kërkuar të largohet nga kjo detyrë, si dhe transferimin e prokurorit Madrit Kullolli nga Prokuroria e Përgjithshme në Prokurorinë e Durrësit, në tjetër ndryshim i propozuar është edhe ndryshimi i kreut të task- forcës së kryeqytetit, ku në vend të Ndini Tavanit emërohet Deniona  Katro e cila deri tani ka qenë në krye të Task Forcës së Durrësit. Të gjitha këto ndryshime pritet të formalizohen në ditët në vijim.

Add a Comment

%d bloggers like this: