|E hënë, Shkurt 19, 2018

Lideri veri-korean falënderon Jugun për “mikpritjen mbresëlënëse” 

Udhëheqësi i Koresë së Veriut, Kim Jong-Un, e ka lavdëruar Korenë e Jugut për, siç tha, mikpritjen “mbresëlënëse” të delegacionit të Veriut në Lojërat Olimpike Dimërore.

Komentet vijnë pasi delegacioni zyrtar i Veriut, i udhëhequr nga motra e Kimit, Kim Yo-Jong, ka mbaruar vizitën historike dhe është kthyer në Phenjan.

“Pas raportit të delegacionit mbi vizitën, Kim Jong-Un shprehu kënaqësi mbi të,” raportoi media shtetërore KCNA.

Siç njofton Rel, ka qenë ky delegacioni më i lartë veri-korean që ka vizituar Jugun që nga Lufta e Koresë në vitet 1950.

Dy vendet nuk kanë nënshkruar kurrë traktat të paqes për të përfunduar zyrtarisht luftën dhe janë në një gjendje konstante të mosbesimit reciprok.

Pjesëmarrja e Koresë së Veriut në Lojërat Olimpike është parë si një ngrohje e marrëdhënieve midis dy Koreve, ndonëse ka pasur gjithashtu shqetësime se ajo i ka mundësuar Koresë së Veriut të blejë kohë për zhvillimin e programit të saj bërthamor.

Add a Comment

Twitter
@ALB365 on Twitter
Latest Tweet:
0 people follow @ALB365

Këtë e pëlqejnë %d blogues:
Read more:
Italiani i ‘fut’ duart Bleonës lart e poshtë (video)

Bleona Qereti ka apublikuar një...

Close