|E shtunë, Tetor 21, 2017

Meta – KE, bashkepunim me opoziten. 

Tirane – ilir-meta3Kryetari i Kuvendit Ilir Meta priti sot një një takim Drejtorin e Përgjithshëm për Zgjerimin të Komisionit Evropian z. Christian Danielsson, me të cilin biseduan mbi përgatitjen e progres-raportit të Komisionit Evropian, ecurinë e reformave të ndërmarra nga qeveria dhe zhvillimet e fundit politike në vend.
Meta vlerësoi përkushtimin e Komisionit Evropian ndaj procesit të zgjerimit dhe veçanërisht ndaj Shqipërisë, duke shprehur besimin se progres raporti i ardhshëm i Komisionit do të reflektojë punën e madhe që është bërë gjatë këtij viti në drejtim të përmbushjes së prioriteteve të axhendës evropiane.
Z. Meta theksoi se Kuvendi është përqendruar në forcimin e bashkëpunimit me institucionet e pavarura, me shoqërinë civile dhe me grupet e interesit, në funksion të rritjes së rolit të tij mbikëqyrës dhe të avancimit të axhendës parlamentare përmes parimit të gjithëpërfshirës.
Z. Meta dhe z. Danielsson diskutuan gjithashtu mbi axhendën e reformave të nisura me fokus në reformën administrative e territoriale dhe reformën në fushën e drejtësisë, duke ndarë bindjen e përbashkët për nevojshmërinë e avancimit të këtyre reformave të rëndësishme për vendin përmes pjesëmarrjes aktive të të gjithë palëve dhe në bashkëpunim të ngushtë me strukturat e Bashkimit Evropian.
Në përfundim Kryetari i Kuvendit Meta theksoi rëndësinë e ndarjes së politikës nga drejtësia dhe shprehu vullnetin e maxhorancës për të punuar së bashku me opozitën dhe me faktorët e tjerë të shoqërisë në funksion të zgjidhjeve efikase që kërkon zhvillimi ekonomik dhe perspektiva evropiane e Shqipërisë.

alb365.com

Add a Comment

Twitter
@ALB365 on Twitter
Latest Tweet:
0 people follow @ALB365

Këtë e pëlqejnë %d blogues:
Read more:
Totti – Ciao ciao futboll

28 Maji 2017 do të mbahet mend në histori si data e lamtumirës së një prej lojtarëve më të mëdhenj...

Close