|E enjte, Korrik 27, 2017

Mustafaj: PD i ka mundësitë të kthehet në pushtet 

Edhe pse prej shumë vitesh nuk ishte shfaqur në ndonjë aktivitet publik të PD, Besnik Mustafaj heziton ta quajë rikthim pjesëmarrjen në mitingun prezantues të kandidatit të djathtë për bashkinë Dibër, ku mbajti edhe një fjalim.

Mustafaj: Nuk është një rikthim sepse unë nuk kam munguar në politikë. Unë vërtet kam ikur nga rrjeshti i parë i politikës, i të bërit politikë në mënyrë aktive, por nuk kam munguar si një vlerësuesi i politikës. Kam qenë i pranishëm me shkrimet e mia dhe intervitat e mia qoftë në gjykimin e politikës kombëtare, qofte edhe me kritikat që kam pasur për mënyrën e ringritjes së PD për të qenë në shërbim të saj. Kështu që në këtë kuptim fjala rikthim nuk shkon.

Në një intervisatë për Ora News, Mustafaj shprehet i  bindur se me Lulzim Bashën kryetar, PD ka mundësitë për të ardhur në pushtet, Mustafaj deklaron se lideri demokrat ka filluar të piqet në detyrën që mori në vitin 2013.

Mustafaj: Basha po piqet si lider, po e kupton PD nga brenda dhe do të arrijë ta udhëheqë deri në zgjedhjet për një fitore.

Për zgjedhjet në Dibër, Mustafaj sheh te Sherefedin Shehu njeriun e shpresës që ka munguar për 25 vjet.

Mustafaj: Unë erdha sot në Dibër të mbështetur Shehun për disa arsye që lidhen me një fenomen që unë e vura re që është kthimi i shpresës. Në këto 25  vjet kurrë nuk ka pasur një kandidat për kryetar bashkie të cilësisë së Sherefedin Shehut

Mustafaj nuk ka një parashikim për zgjedhjet e 2017, por shprehet se PD ka kohën e mjaftueshme për të mishëruar shpresën e shqiptarëve.

Mustafaj: PD ka kohë të mjaftueshme të marrë formën e duhur për të mishëruar shpresën e shqiptarëve dhe aspiratën e shqiptarëve për të ecur përpara.

Add a Comment

Twitter
ALB365 on Twitter
Latest Tweet: Ksamilit të ‘mbarsur’ i plasin ujrat (foto e video) https://t.co/fz40qwG8vP https://t.co/U6TAxehqG0
11,299 people follow ALB365

Këtë e pëlqejnë %d blogues:
Read more:
Një tjetër shqiptar vritet në Siri.

    Mediat shqiptare në Maqedoni raportojnë se një tjetër shqiptar nga Maqedonia është vrarë në luftën e Sirisë. Një...

Close