Gati një e katërta e popullësisë botërore e ka nisur ndryshe këtë 23 mars. Lindja e diellit ata i ka gjetur duke argjëruar. Besimtarët myslimanë nisën muajin e Ramazanit, muajin më të shenjtë të kalendarit islamik. Tradita ka nisur që në shekullin e nëntë dhe përkujton muajin kur profeti Muhamed ishte mbyllur në një shpellë, në veri të Mekës, për ripërtëritje shpirtërore. Njerëzit në mbarë botën nisin ritin, i cili vijon për 30 ditë me radhë.
Rreth dy të tretat e muslimanëve jetojnë në rajonin e Azisë-Paqësorit, veçanërisht në Indonezi. Agjërimi shoqërohet jo vetëm nga lutje të shumta, por edhe nga një mori traditash lokale që ndryshojnë nga vendi në vend. Fundi i Ramazanit shënohet me festën e Fitër Bajramit.
