|E hënë, Tetor 23, 2017

Obama, Putin, Merkel dhe Hollande takohen ne Kane. 

Barak-Obama   Kane – Presidenti francez, François Hollande, zhvilloi homazhet e kombit për 20 mijë viktimat civile, për familjet franceze që u përballën me kaosin dhe breshëritë e armëve gjatë Betejës së Normandisë, gjatë ceremonisë së parë të 70-vjetorit të Zbarkimit aleat.

Bëhet fjalë për mirënjohje zyrtare për rreth 20 mijë të vdekur mes 6 qershorit dhe 22 gushtit 1944. Ky rajon u çlirua përfundimisht nga nazistët vetëm në 12 shtator.

“Dëshiroj që sot, në 70-vjetorin e përkujtimeve, që homazhet e kombit të mund t’i drejtohen të gjithë civilëve dhe ushtarakëve”, deklaroi shefi i shtetit gjatë një fjalimi para Memorialit të Kanës.

Liderët e globit, mes të cilëve edhe presidenti amerikan, Barack Obama dhe ai rus, Vladimir Putin, si dhe kancelarja gjermane, Angela Merkel, presidenti francez, François Hollande janë sot bashkë sot në plazhin e Normandisë për të nderuar ushtarët që morën pjesë në këtë Zbarkim 70 vite më parë.

TAKIM PUTIN-MERKEL PARA CEREMONIVE TË 70-VJETORIT TË ZBARKIMIT 

Presidenti rus, Vladimir Putin dhe kancelarja gjermane, Angela Merkel kanë zhvilluar bisedime në një hotel në Deauville në Normandi, para se të fillonin ceremonitë e 70-vjetorit të Zbarkimit aleat, sipas disa gazetarëve.
Dy krerët pritet të bisedojnë kryesisht mbi çështjen e Ukrainës, dy muaj pas aneksimit të Krimesë nga Rusia, ndërkohë që autoritetet ukrainase kanë pësuar humbje të reja në lindje të vendit përballë separatistëve prorusë.

Add a Comment

Twitter
@ALB365 on Twitter
Latest Tweet:
0 people follow @ALB365

Këtë e pëlqejnë %d blogues:
Read more:
Zbulohet e Vërteta: Video e rastit Charlie Hebdo pa çensurë . (video)

Francë - Zbulohet e Verteta: Video e rastit Charlie Hebdo e cila u fsheh nga ”mediat” doli ne shesh tani edhe...

Close