|E hënë, Korrik 24, 2017

Pakënaqësitë në arsim, nesër maturantët protestojnë përpara Kryeministrisë 

Sistemi i ri i Ministrisë së Arsimit për përzgjedhjen e degëve të maturantëve ka shkaktuar irritim për faktin se shumë prej tyre nuk kanë fituar degët në Universitetin shtetëror, edhe pse mesatarja e tyre ka qenë e lartë.

Për këtë arsye, ata kanë paralajmëruar për nesër në orën 10:00 një protestë përpara godinës së Kryeministrisë.

Shumë maturantë kanë denoncuar sot se nuk kanë arritur të marrin degët që u takon dhe e kanë quajtur dështim sistemin e ri të përzgjedhjes.

Nga ana tjetër, pas pakënaqësive të tyre ka reaguar sot edhe ministrja e Arsimit Lindita Nikolla, e cila ka thënë se këta maturantë mund të bëjnë ankesa, ndërsa ka lavdëruar sistemin e ri që aplikohet për herë të parë nga Ministria e Arsimit.

Reforma në arsim është kontestuar edhe gjatë muajve të kaluar, kur studentë e pedagogë kanë dalë në protesta kundër Kryeministrit Edi Rama dhe ministres së Arsimit Lindita Nikolla.

Sipas maturantëve dhe studentëve, ky sistem i ri në arsim favorizon Universitetet private. Kjo u duk edhe në denoncimet e disa prej maturantëve ditën e sotme, që pavarësisht mesatares së lartë, nuk kanë fituar asnjë degë në shtet, por në Universitete private.

Add a Comment

Twitter
ALB365 on Twitter
Latest Tweet: Pushuesit kosovarë gjenë ‘belanë’ në Vlorë https://t.co/AvNwnPz9Rx https://t.co/LFzVxjYHmm
11,312 people follow ALB365

Këtë e pëlqejnë %d blogues:
Read more:
Shteti merr puset e naftës, prishet konçesioni me Transatlantic

Ministri i Energjisë, Damian Gjiknuri autorizoi kompaninë shtetërore Albpetrol që të rimarrë në pronësi shtetërore dy nga vendburimet më të...

Close