|E diel, Dhjetor 17, 2017

Plagosja e policit/ Shoqërohen 9 persona, bllokohen 3 makina 

Hetimet për plagosjen një jave më parë me armë zjarri të policit Ermal Bregu, janë zgjeruar dhe tek persona të tjerë.

Gjatë mesnatës së djeshme, forcat e komisariatit nr.2 në Tiranë në bashkëpunim dhe me efektivët e Policisë Qarkut Tiranë mësohet se kanë kryer një operacion, në zonën e “Nishrakut”, duke shoqëruar në polici 9 persona si dhe ka bllokuar disa automjete luksoze. Operacioni në këtë zonë është kryer në kuadër të mbledhjes së të dhënave për njësinë Task-Forcë, “Forca e Ligjit”, pranë ministrisë së Brendshme.

Nëntë personat e shoqëruar dyshohet të jenë ushtarë të një grupi kriminal që vepron në këtë zonë të Tiranës. Policia e Tiranës nuk ka pranuar të japë asnjë emër të personave të shoqëruar, por sqaron se personave të shoqëruar u janë sekuestruar disa automjete luksoze. Më konkretisht një automjet tip “Porche Cayen”, një “BMW seria 7” dhe një Tuareg me targa zvicerane. Këto automjete janë bllokuar nga policia, pas dyshimeve se ato janë të vjedhura.

Ky operacion në zonën e “Nishrakut” u krye pas plagosjes së efektivit të policisë Ermal Bregu, ndërsa vijon të jetë në kërkim autori i plagojes, Daniel Manushi.

 

Add a Comment

Twitter
@ALB365 on Twitter
Latest Tweet:
0 people follow @ALB365

Këtë e pëlqejnë %d blogues:
Read more:
Të larguarit nga puna – Veliaj presion stafit për t’i zëvendësuar me militantë

Shoqata e të Larguarve nga Puna i...

Close