|E martë, Korrik 25, 2017

‘Poçja’ nga Vlora, braktis makinën me 77 kg drogë në Vlorë 

Braktis makinën me 77 kg drogë në të dhe tenton të largohet por policia e arreston. Operacioni i koduar “Poçeria” u ekzekutua në qytetin e Vlorës dhe policia informoi paraditen e sotme.

Policia ishte vënë në ndjekje të automjetit tip “Benz” me targë TR 2051 K i cili u bllokua pasi Edlir Brokaj (drejtuesi) e braktisi  në lagjen “Lirimi” Vlorë.

“Menjëherë, forcat e policisë i’u vunë në ndjekje autorit dhe bënë të mundur kapjen dhe arrestimin e tij në flagrancë pranë vendit të quajtur “Ish-poçeria”, lagjia “Lirimi” Vlorë.

Gjatë kontrollit të ushtruar në këtë automjet, Policia ka gjetur të fshehur në të një sasi me lëndë narkotike me peshë totale prej 77 Kg (kilogram) të llojit Cannabis Sattiva.

Lënda narkotike ishte e ndarë në 11 pako, mbështjellë me qese plastike të tejdukshme, të cilat ishin të fshehura në sedilet e pasme si dhe në bagazhin e këtij mjeti.”

Policia ka bllokuar dhe sekuestruar në cilësinë e provës materiale:

–  77 Kg (kilogram) lëndë narkotike të llojit Cannabis Sattiva

–  1 automjet tip “Benz” me targë TR 2051 K

Po punohet për zbulimin dhe kapjen e autorëve të tjerë bashkëpunëtor të implikuar në këtë veprimtari kriminale.

Add a Comment

Twitter
ALB365 on Twitter
Latest Tweet: I liked a @YouTube video https://t.co/0osDjdR3op Bashkitë Patos, Mallakastër dhe Roskovec duhet të paisen me zjarrëfikse
11,308 people follow ALB365

Këtë e pëlqejnë %d blogues:
Read more:
Rama dhe Nano drekojnë së bashku

Tashmë që kriza Rama- Meta është evidente, kanë nisur të rrjedhin edhe informacionet mbi atë çka po luhet në prapaskenën...

Close