|E mërkurë, Gusht 23, 2017

Policia, Shanajt u gjeten dy pistoleta pa leje, Shanaj, s’mbaja arme zjarri. 

Arjan-Shanaj-dhe-Astrit-Bushi-300x215    Tirane – Ndryshe nga dyshimet e prokurorisë për implikimin e tyre në trafikun e drogës, biznesmeni i Fierit, Arjan Shanaj i arrestuar dy ditë më parë dhe Astrit Bushi nga Laçi akuzohen momentalisht vetëm për akuzën e “Armëmbajtjes pa lejë”. Mësohet se efektivët e policisë pas dyshimeve kanë ushtruar një kontroll të imtësishëm, duke i sekuestruar Arjan Shanaj dy armë zjarri, të cilat mendohet se ai i zotëronte pa lejë.

Nga burime zyrtare të policisë Fier që ushtruan kontroll në banesën e Shanaj mësohet se nuk është gjetur asnjë provë që mund ta implikonte Shanaj në trafikun e lëndëve narkotike. Nga ana tjetër burime të besueshme pohojnë se Shanaj nuk ka pasur asnjë armë zjarri në automjetin e tij, kjo është një lojë e sajuar për të implikuar Shanajn në këtë aksion policor.

Pas ndalimit të tij, efektivët e kanë shoqëruar në ambjentet e policisë, ndërkohë që ditën e djeshme kanë mbëritur materialet hetimore në prokurorinë e Tiranës për akuzën e “Armëmbajtjes pa lejë”. Ndërkohë sipas burimeve të komisariatit Laç, Astrit Bushi, veç akuzës së armëmbajtjes pa lejë, pritet të përballet me një proces gjykimi, për ekstradimin e tij në Itali. Sot ose nesër biznesmeni i Fierit Arjan Shanaj do dalë para gjykatës së Tiranës, ku do të njihet me masën e arrestit që do kërkojë prokurori i çështjes.

Shanaj, është një emër mjaft i njohur në qytetin e Fierit për shkak dhe të bizneseve që zotëron. Lidhur me këtë çështje burime pranë prokurorisë së Tiranës thanë se do i drejtohen gjykatës me kërkesën për caktimin e masës së sigurisë “arrest në burg” për biznesmenin.

alb365.com

Add a Comment

Twitter
@ALB365 on Twitter
Latest Tweet:
0 people follow @ALB365

Këtë e pëlqejnë %d blogues:
Read more:
Plagoset biznesmeni, në kërkim autorët

Një plagosje me armë zjarri është regjistruar mëngjesin e sotëm në Shkodër, ku si pasojë ka mbetur I plagosur biznesmeni,...

Close