|E martë, Dhjetor 12, 2017

Pranga policit, dyshohet se mbeshteste grupe kriminale. 

191771    Lac – Arrestohet një punonjës policie i cili dyshohet se grumbullonte armë e municione me qëllim trafikimin e tyre dhe ishte mbështetës i grupeve kriminale në zonën e Kurbinit.

Burime zyrtare nga policia bëjnë të ditur se në pranga ka rënë Ramazan Hasan Guri, 45 vjeç, me detyrë punonjës i Patrullës së Përgjithshme në Komisariatin e Policisë Laç.

Sipas policisë, “në zbatim të vendimit të Gjykatës së Rrethit Gjyqësor Kurbin, pas referimit të bërë nga SHKB u krye kontrolli në banesën e punonjësit të policisë Ramazan Guri në Mamurras ku në cilësinë e provës materiale u gjetën dhe sekuestruan:
1 automatik mod 56;
7 pushkë automatike;
2 çifte pa leje;
2 pako eksploziv i tipit tritol;
Ndezës të unifikuar, fitil zjarrpërcjellës;
8 granata dore;
3500 copë fishekë të kalibrave të ndryshëm.

Në cilësinë e provave materiale në shtëpinë e Gurit u gjetën edhe pjesë këmbimi automjetesh të vjedhura nga pika e bllokimit te mjeteve në Komisariatin e Policisë Laç.

Ndaj punonjësit të policisë, SHKB-ja ka nisur procedimin penal, pasi ai dyshohej se po grumbullonte armë e municione me qëllim trafikimi, e po ashtu dyshohet si mbështetës i grupeve kriminale në zonën e Kurbinit.

Materialet proceduriale i kaluan Prokurorisë së rrethit Gjyqësor Kurbin, për veprat penale të “Shpërdorimit të detyrës”, “Vjedhjes” “Prodhimit dhe mbajtjes pa leje të armëve luftarake dhe municionit”.

alb365.com

Add a Comment

Twitter
@ALB365 on Twitter
Latest Tweet:
0 people follow @ALB365

Këtë e pëlqejnë %d blogues:
Read more:
Sporti bashkon shqiptarët me serbët (fotot)

Ashtu si çdo vit, alpinistë nga Kosova,...

Close