|E hënë, Tetor 23, 2017

Psikologu, këto janë simptomat e të prekurve nga “Balena Blu” 

Cak kryesor i lojës agresive që çon edhe në vetëvrasje të të rinjve janë adoleshentët.

Kjo sipas psikologut, Fitim Uka që ka thënë se më të rrezikuar nga kjo lojë janë që janë më depresiv, njofton Klan Kosova.

Uka ka thënë se prindërit në Kosovë të jenë më të kujdesshëm në këtë fazë ku dhe ka thënë disa prej simptomave që mund të vërehen tek të rinjtë nëse preken nga “Balena Blu”.

“Simptomat janë: vetëlëndimi, komunikimi i zbehtë, mungesat e gjumit, qëndrimi pa ngrënë”.

“Këto sjellje janë të vërejtshme në kuadër të familjes dhe mund t’i vërej secili prind ose familjar”, ka thënë Uka në “Ora e Fundit”.

“ Ne po ballafaqohemi me një lojë që ka ndikim të madh në shoqëri. Psikologët kanë bërë thirrje për kohë të gjatë që fëmijët të shmangen nga lojërat e dhunshme”, ka shtuar ai.

Ai ka thënë se fëmijët dhe adoleshentet kanë një tendencë më të madhe që të luajnë këtë lojë.

“Kur ndryshon sjellja e fëmijëve prindërit duhet të intensifikojnë komunikimin me ta. Më pas duhet të konsultohet psikologu”, ka vazhduar ai.

“Shkëputja në raport me shoqërinë edhe çon te këto lojëra dhe mund të jenë vetëlëndues”.

Në fund Uka ka thënë se debati rreth kësaj loje në Kosovë mund të ketë efekt të dyanshëm.

“Debati ka sensibilizuar shoqërinë por edhe mund të nxisë të rinjtë për ta provuar këtë lojë”, ka përfunduar ai.

Add a Comment

Twitter
@ALB365 on Twitter
Latest Tweet: KUJDES/ Kopilat po vjedhin lokale e banesa, policia konstaton https://t.co/JP1KBbfvmG via @wwwalb365com
10,375 people follow @ALB365

Këtë e pëlqejnë %d blogues:
Read more:
Linjë hekurudhore me Greqinë

Në kryeqytetin e Francës ka nisur punën Forumi i Parisit, i cili synon financimin e projekteve infrastrukturore për Ballkanin Perëndimor....

Close