|E enjte, Korrik 27, 2017

Qeveria që vret zemra dhe ëndrra të rinjsh 

Nga ARTAN FUGA – Akademiku dhe publicisti i njohur Artan Fuga ka reaguar sërish sot lidhur me situatën kaotike që është krijuar me maturantët.

Përmes një postimi në faqen e tij në Facebook, ai i mëshon idesë se ky sistem i zgjedhur nga Ministria e Arsimit “është i padrejtë, irracional, absurd, shkakton probleme te rinia, thyen ëndërra, ngjall mosbesim”.

Fuga shprehet se është e padrejtë përmes kësaj mënyre, pasi maturantët nuk shkojnë dot në degën që duan në universitet.

Më poshtë reagimi i tij i plotë:

Ore, disa bëjnë sikur nuk kuptojnë, ose janë kokëtrashë, kokë-mpitë, ose bëjnë shejtan budallain. Se kokëderra janë që janë !

Nuk është puna ore ti se do të futen apo jo të gjithë maturantët në shkollë!

A thua se ka vende! Sikur janë vende në stadium. Vende hap njeriu sa të duash. Nje grup me dhjetë studentë e bën me njëqind studentë dhe ja i hape vendet! Pse kjo është???

Hajde sukses hajde!

Tjetër është problemi.

A shkojnë studentët në degët që duan? Kjo është çështja, se po çove njerin që do letërsi në veterinari, ose atë që do veterinari në matematikë, ke bërë lëmsh, ke vrarë zemra dhe ëndërra të rinjsh.

Tjetër është problemi.

Atij që i plotësohet dëshira për një degë, a ka të drejtë se ka një mesatare 0,0007 më të lartë sesa dikush që e ka poaq më të ulët (por marrë në një gjimnaz më të fortë), t’i plotëshet dëshira, kurse këtij tjetrit t’i thyhet zemra!

Tjetër është problemi.

A janë lëndët preferenciale të gjimnazit mjaftueshmërisht kriter për të dhënë të drejta më shumë a më pak në përzgjedhje lëndësh! Aspak.

Tjetër është problemi.

A iu dha shërbimi informativ maturantëve për degët ku duan të ndjekin studimet?

Aspak. Iu morrën lekët nga xhepi mamit dhe babit dhe atyre asnjë informacion a këshillim.

Prandaj është sistemi i padrejtë, irracional, absurd, shkakton probleme te rinia, thyen ëndërra, ngjall mosbesim.

Lërini mo maturantët të shkojnë të rregjistrohen vetë në universitete, e mos krijoni agjenci burokratike që për të hap e mbyll derën, krijojnë e zgjidhin probleme, si Sabriu, mësues i punës me dru e me metal.

Add a Comment

Twitter
ALB365 on Twitter
Latest Tweet: Ksamilit të ‘mbarsur’ i plasin ujrat (foto e video) https://t.co/fz40qwG8vP https://t.co/U6TAxehqG0
11,299 people follow ALB365

Këtë e pëlqejnë %d blogues:
Read more:
Kallashi në treg, kush po e blen

A ka kush që flitet e përflitet më shumë se Donjeta Kosumi - Kallashi? Kallashi është në qendër të vëmendjes,...

Close