|E premte, Shkurt 23, 2018

Rama “fal” 54 mijë konsumatorë energjie: Ua kanë futur pa dashje . 

Edi-RamaTiranë – Kryeministri Edi Rama u shpreh sot në facebook, për të gjitha ankesat e konsumatorëve të energjisë që janë faturuar padrejtësisht. Rama thotë se ka parë vendimin e ERE, por paraditen e djeshme,ish- kryeministri Berisha e akuzoi po në një status në facebook për përzgjedhje vetëm të 1/6 të të gjithë atyre që duhet të përfitonin.

“OSHEE-ja, pasi ka analizuar me përgjegjshmëri të plotë ankesat e disa mijëra konsumatorëve, bazuar ne Vendimin e ERE, Nr.90 Dt 25.10.2010, për energji të pamatur dhe dëm ekonomik ndaj konsumatorit përmes faturash afrofe e gjobash arbitrare, ka marre sot zyrtarisht vendimin në mbështetje të të gjithë atyre konsumatorëve të prekur nga kjo padrejtësi e madhe:

Kjo do të thotë se, bazuar në këtë vendim, 51.500 konsumatorë, fitojnë më në fund të drejtën e tyre dhe çlirohen nga këto detyrime të padrejta. Po ashtu, këtyre do t’ju shtohen edhe 2400 konsumatorë, të cilët në bazë të disa vendimeve nominative të ERE qysh prej vitit 2011, kanë të njëjtën të drejtë.

Pra, nga futja në rrugën e ligjshmërisë në raport me energjinë elektrike, OSSHE jo vetëm mbledh detyrimet e konsumatorëve ndaj kompanisë, po për herë të parë në historinë e turpshme të tranzicionit në këtë sektor kritik, njeh detyrimin e vet ndaj 53.900 konsumatorëve në masën e 41.8 miliardë lekëve ose 41.8 milionë dollarëve.

E pra, ky është botëkuptimi i ri qeverisës në Shqipëri. Kjo është përgjegjësia e re dhe e panjohur më parë e Qeverisë së Shqipërisë. Kështu ndërtohet shteti modern i shqiptarëve, të cilët duhet të kontribuojnë të gjithë për shtetin e tyre me atë që u takon, po duhet të marrin nga shteti i tyre çdo gjë që u takon” shkruan Rama në rrjetin social.

alb365.com

Add a Comment

Twitter
@ALB365 on Twitter
Latest Tweet:
0 people follow @ALB365

Këtë e pëlqejnë %d blogues:
Read more:
Kush po I vjedh familjet fierake?

Fier - Kush po I...

Close