|E martë, Janar 17, 2017
  • NA NDIQ NË

Rama – Maturantëve, bëni durim deri në 20 Shtator 

Në përgjigje të protestës së maturantëve, kryeministri Edi Rama thotë se një nga risitë e reformës në arsim është se më të mirët zgjedhin të parët.

Kryeministri thekson se një maturant i shkëlqyer nuk mund të shkojë në tetë, nëntë apo dhjetë degë, ku shpreh fillimisht preferencën dhe del fitues.

Shefi i qeverisë garanton se deri në 20 shtator, çdo fitues në më shumë se një degë, do të regjistrohet në degën e vetme që do ndjekë dhe, automatikisht, të gjitha vendet e tjera që ka zënë përkohësisht në listën fituese, do të lirohen për shpalljen e fituesve të tjerë.

“Pra, e drejta për të zgjedhur përcaktohet sipas meritës, me procedura transparente, jo më në errësirë sipas tarafit apo parasë… Rregullat janë të qarta dhe kush ndjek si duhet procedurat, padiskutim do të ushtrojë të drejtën e vet për shkollim të lartë, sipas meritës” nënvizon Rama.

Duke ju uruar suksese, Rama u kujton maturantëve se janë 25 mijë kuota për 27 mijë e 600 aplikues.

“Suksese dhe mos harroni: Janë 25 mijë kuota për 27 mijë e 600 aplikues, kështu që ata që do mbeten jashtë në fund të procesit, do të jenë një numër i kufizuar e me rezultatet më të dobëta ndër gjithë të tjerët. Prandaj respekt për meritën e secilit dhe durim deri në përfundimin e procesit!”

Add a Comment

Këtë e pëlqejnë %d blogues:
Read more:
Policia – 3 të arrestuar në 24 orë

Fier - Policia Fier në 24 orët e fundit ka arrestuar dy shtetas që kanë qënë persona të shpallur në kërkim për vepra të ndryshme penale  dhe një shtetas tjetër...

Close