|E diel, Gusht 20, 2017

Shkupi goditet nga bresheri, permbytjet dhe termetet. 

shkupi-rrebesh-640x298  Shkup –  Uji pengoi ecjen e makinave, veçmas në pjesën e urave mbi lumin Vardar, ndërsa breshëri kokërrmadh shkaktoi edhe thyerje të xhamave në objekte të ndryshëm
Një ditë me diell dhe aty-këtu pak e vranët, përfundoi shpejt për Shkupin që mbrëmjen e së dielës u trondit nga një tërmet dhe nga një rrebesh thuajse pafundmë shiu dhe breshëri me kokërr sa një ulli.
Shkupi, një qytet i lashtë etnik i Shqipërisë, kryeqendër e shtetit maqedonas përjetoi gjendje ankthi për disa kohë.
Banorë shqiptarë etnikë të Shkupit i thanë mbrëmjen e vonë gazetës “Illyria” se përthuajse 1 orë e gjysëm u ndjenë të rrezikuar madje më pak nga frika e tërmetit se sa nga rrebeshi i shiut që rriti nivelin e ujit deri në përmbyjteje.
Ata thanë gjithashtu se kjo gjendje u përjetua në qytet dhe në rrethina që u bënë tërësisht të paralizuar prej shiut me rrebesh, erës së fuqishme dhe gjëmimit të bubullimave.
Uji pengoi ecjen e makinave, veçmas në pjesën e urave mbi lumin Vardar, ndërsa breshëri kokërrmadh shkaktoi edhe thyerje të xhamave në objekte të ndryshëm.
Rrugët në shumë vende dukeshin si degë lumenjsh.
Më pas televizioni “Alsat-M” raportoi se “më të rrezikuara raportohet të jenë lagjja e Serovës dhe Gazi Babës ku janë vërshuar shumë shtëpi, sidomos ato përdhese dhe ato me bodrume”.
Kurse, www.emsc-csem.org raportoi se tërmeti ishte regjistruar diku rreth orës 21:05:09 me magnitude 3.6 ballë të shkallës Rihter.

alb365.com/Iliria

Add a Comment

Twitter
@ALB365 on Twitter
Latest Tweet:
0 people follow @ALB365

Këtë e pëlqejnë %d blogues:
Read more:
Veshjet me kuadrata, tendenca e vjeshtë-dimër 2016

Kuadratet e të gjitha ngjyrave dhe dimensioneve kanë pushtuar pasarelat e modës së Vjeshtë-Dimër 2016, që edhe njëherë konfirmohen tendenca...

Close