|E mërkurë, Tetor 18, 2017

Supergrabitje në Tiranë, autorët çajnë murin e argjendarisë 

Një tjetër supërgrabitje regjistrohet në Tiranë. Një argjendari në zonën e Pazarit të Ri, pranë sheshit “Avni Rrustemi” është grabitur më një skemë të ngjashme me atë të bankës në zonën e ish-Bllokut.

Grabitja është konstatuar nga pronarët mëngjesin e sotëm kur kanë shkuar për të hapur dyqanin.

Autorët, të cilët besohet se kanë qenë disa, kanë çarë dy mure për të depërtuar deri në pjesën e argjendarisë.

Grabitësve u është dashur fillimisht të çajnë murin e një lokali ngjitur me argjendarinë, i cili është në pronësi të të njëjtit pronar.

Dhe pas kësaj ata kanë çarë murin e argjendarisë, duke bërë dhe grabitjen. Autorët e grabitjes janë kujdesur që të mos lënë gjurmë, duke prishur sistemin e kamerave.

Në një prononcim për Ora News, pronarët pretenduan se u janë grabitur 600 mijë euro mall, por kjo mbetet ende e pakonfirmuar zyrtarisht.

Grabitja konfirmohet nga burime brenda policisë së Tiranës, të cilët thanë se po kryejnë të gjitha vepriemt proceduriale për identifikimin e autiorëve dhe arrestimin e tyre.

Në këtë kuadër janë sekuestruar si provë materiale kamerat e bizneseve të tjera që ndodhen në zonë.

Add a Comment

Twitter
@ALB365 on Twitter
Latest Tweet: https://t.co/wahnaIexKS
10,432 people follow @ALB365

Këtë e pëlqejnë %d blogues:
Read more:
Klaudia Pepa, balerina më seksi në “Amici 2015”

Balerina shqiptare Klaudia Pepa është cilësuar nga mediat italiane si balerina më seksi e “Amici 2015”. “Është ballerina më seksi...

Close