|E premte, Dhjetor 15, 2017

Të rinjtë Vuçiçit : Kërko falje për krimet në Kosovë . 

aleks-vucic1Serbi – Një organizatë joqeveritare e të rinjve serbë, Nisma e të Rinjve për të Drejtat e Njeriut (YIHR), i ka dërguar qeverisë së Serbisë dy kopje të dy raporteve të OSBE-së, ku dokumentohen krimet që Serbia ka kryer në Kosovë. Por me këtë rast, në një letër bashkëngjitur këtyre raporteve, kjo organizatë i kërkon kryeministrit Aleksandar Vuçiç, që të kërkojë falje në emër të shtetit serb për krimet e kryera në Kosovë, raportojnë mediat kosovare. Nisma e të Rinjve për të Drejtat e Njeriut (YIHR), organizatë joqeveritare serbe, i ka dorëzuar dy kopje të dy raporteve të OSBE-së “Kosova: siç është parë dhe treguar” kryeministrit dhe ministrave të qeverisë së Republikës së Serbisë, duke i bashkëngjitur edhe një letër përmes së cilës kërkohet që të pranohen krimet e kryera nga shteti serb në Kosovë, sepse kjo sipas tyre do të bënte që qytetarët serbë të besonin edhe më shumë në qeverinë e tyre. Këto raporte të OSBE-së dhe letra e këtyre të rinjve, shkon në adresë të qeverisë së Serbisë, vetëm pak ditë pasi ky vend ka marrë mandatin njëvjeçar të drejtimit të OSBE-së. Në letrën adresuar qeverisë së tyre, të rinjtë serbë thonë se, me rastin e ditës së parë të kryesimit të OSBE-së nga ana e Serbisë, i dorëzojnë dy botime të bëra pikërisht nga kjo organizatë evropiane, ku përshkruhen në mënyrë të hollësishme shkeljet e të drejtave të njeriut, duke përfshirë vrasjen e më shumë se 13 mijë njerëzve në Kosovë gjatë viteve 1998 dhe 1999. Më tej në letër i thuhet Qeverisë së Serbisë, se heziton të flitet për krimet e kryera nga forcat serbe. Ata i përmendin edhe vizitën që kryeministri Vuçiç pati në Kosovë, e ku preferoi t’u shmanget pyetjeve për krimet e kryera nga Serbia, dhe për të kërkuar falje. Të rinjtë serbë i kërkojnë qeverisë së tyre që të flasë për krimet e kryera nga Republika e Serbisë, si dhe të kërkojë falje për pastrimin etnik në Kosovë. Sipas tyre, qytetarët e Serbisë do të kishin më shumë besim në qeverinë e tyre, nëse ajo do të fliste publikisht për krimet e kryera nga shteti serb në të kaluarën. Në letër, qeverisë së Serbisë i kujtohen edhe bombardimet e NATO-s së vitit 1999 nga 24 marsi deri më 10 qershor. Sipas tyre, bashkëmoshatarët e tyre janë të hutuar dhe nuk e dinë pse ato kanë ndodhur, pasi e vërteta asnjëherë nuk është thënë publikisht. “Për shkak të heshtjes suaj, bashkëmoshatarët tanë janë të hutuar dhe ata nuk dinë asgjë për arsyen për të cilën kemi jetuar nën bomba për 78 ditë. As ju, as mediat, as mësimi në shkolla, nuk flasin për këtë çështje”. Në letër ndër të tjera thuhet, se pavarësisht se ata janë të rinj, secili prej tyre ka dikë në familje, lagje, apo edhe mes miqve, që ishte i rekrutuar në Kosovë gjatë dekadës së fundit të shekullit të kaluar. E këta njerëz u kanë thënë atyre, se gjatë luftës në Kosovë kishte spastrim sistematik të terrenit. Ndërsa në vitin 1998, dhe sidomos pas fillimit të bombardimeve të NATO-s, pjesëtarë të ushtrisë dhe policisë të njësive të ndryshme u vendosën atje. Kjo organizatë e të rinjve serbë, në fund të letrës së saj, thotë se ata i kanë studiuar raportet e OSBE-së, të cilat ia dorëzojnë edhe Qeverisë së Serbisë, dhe shpresojnë që gjatë këtij viti, për sa kohë Serbia është në krye të kësaj organizate, Qeveria të gjejë pak kohë për t’i parë ato.

alb365.com

Add a Comment

Twitter
@ALB365 on Twitter
Latest Tweet:
0 people follow @ALB365

Këtë e pëlqejnë %d blogues:
Read more:
Kontrollo thonjtë, gjej sëmundjen

Një vështrim në thonjtë e gishtave të...

Close