|E premte, Prill 28, 2017

Thaçi: Policia parandaloi sulmin terrorist në ndeshjen Shqipëri-Izrael 

Kosovë – Presidenti i Kosovës, Hashim Thaçi, ka mirëpritur raportin  “Trasparency Internationa” se Policia e Kosovës është forca më profesionale dhe më e besueshme në Kosovë.

Në një postim në FB, duke iu referuar këtij raporti Thaçi tha se Policia e Kosovës ka parandaluar sulmin terrorist të planifikuar për ndeshjen e futbollit mes Shqipërisë dhe Izraelit.

Hashim Thaçi:  Jam krenar që edhe “Transparency International” e tha atë që ne e kemi ditur qëmoti, se Policia e Kosovës është forca më profesionale dhe më e besueshme në rajonin tonë e më gjerë.

Strukturat e sigurisë së Kosovës, çdo anëtar të Policisë së Kosovës i përgëzoj për këtë përkushtim dhe këtë sukses.

Ditë më parë, me një punë shembullore, ata parandaluan sulmin terrorist i planifikuar të ndodhte gjatë ndeshjes së futbollit në mes Shqipërisë dhe Izraelit.

Ky ishte një rast tjetër i bashkëpunimit shembullor rajonal, të shërbimeve policore dhe të agjencive të inteligjencës, në shkëmbim informacioni dhe në bashkërendim të masave operative.

Ky është një konfirmim tjetër i nivelit të lartë të përgatitjes së strukturave të sigurisë të Republikës së Kosovës për t’u përballur me sfidat e sigurisë që e kërcënojnë Kosovën dhe rajonin.

Kërcënime të tilla, duhet të na bëjnë më të vendosur, edhe më të pa kompromis në luftimin e ekstremizmit dhe të terrorizmit, të çfarëdo lloji.

Add a Comment

Twitter
ALB365 on Twitter
Latest Tweet:
0 people follow ALB365

Këtë e pëlqejnë %d blogues:
Read more:
Policia në 24 orë, 1 në pranga dhe 2 nën hetim të lirë.

  Fier - Më datë 17.07.2014, nga komisariati Policise Fier ,filloi procedimi penal në gjendje të lirë për shtetasen, Lindita...

Close