|E enjte, Janar 19, 2017
  • NA NDIQ NË

Themeluesi i WikiLeaks, Assange, i ndërpritet interneti 

Faqja e internetit Wikileaks njoftoi se themeluesit të saj, Julian Assange, i është ndërprerë qasja në internet nga një strukturë shtetërore e paidentifikuar. Nuk janë bërë të ditura detaje të mëtejshme.

Prej katër vitesh, Assange është ngujuar në ambasadën e Ekuadorit në Londër për të shmangur ekstradimin e tij bazuar mbi akuza për krime seksuale.

Ngujimi nuk e ka penguar aktivistin australian që të vazhdojë punën dhe Wikileaks ka vazhduar të publikojë të dhëna sensacionale, ndër të tjera edhe informacione që kanë tronditur fushatën për presidente të Hillary Clinton-it, ndërsa në Shtetet e Bashkuara po afron dita e zgjedhjeve.

Nuk pati përgjigje ndaj pyetjeve me telefon dhe email drejtuar Wikileaks. Një grua që iu përgjigj telefonit në ambasadë tha se nuk mundet të japë informacion. Një email drejtuar ambasadorit të Ekuadorit nuk mori përgjigje. Policia e Londrës gjithashtu refuzoi të komentojë për këtë çështje.

Add a Comment

Këtë e pëlqejnë %d blogues:
Read more:
Berisha – 5 mijë Euro një vend pune tek burgjet

Ish-kryeministri Sali Berisha bën një tjetër denoncimet, kësaj here me korrupsionin në burgje sipas tij. Duke iu referuar mesazhit të qytetarëve, Berisha shkruan se për një vend pune jepen 5...

Close