|E martë, Tetor 24, 2017

Tromboza – Shkaqet dhe trajtimi natyral 

Mpiksja e gjakut, e njohur gjithashtu si formimi i trombeve brenda enëve të mëdha të gjakut, janë shkaku kryesor i shumë sulmeve në zemër, tru, dhe çrregullime të tjera kardiovaskulare.

Simptomat e mpiksjes së gjakut zakonisht nuk janë të dukshme, çfarë është edhe arsyeja pse ekzamini diagnostikues vjetor i rregullt është i rekomanduar.
Shkaqet

Ngurtësimi i gjakut, ose tromboza, zakonisht ndodh si një përgjigje e shëndetit brenda disa minutave pas prerjes së lëkurës ose kur ndodh ndonjë traum që shkakton gjakderdhje. Një mpiksje e gjakut ndihmon vulosjen e dëmit. Megjithatë, mpiksja e gjakut mund të jetë e rrezikshme kur ndodh brenda në enët e shëndetshme të gjakut. Mpiksja e keqe mund të ndodhë nga trombocitet që “aktivizohen” në grumbull së bashku. Kjo ndodh kur trombocitet vijnë në kontakt me muret e dëmtuara arteriale, ose për shkak të mangësive ushqyese, dieta e varfër ushqimore, apo predispozicioni gjenetik. Pasi trombocitet bëhen ngjitëse, forma e tyre ndryshon dhe ato shumë lehtë bëhen rrjetë apo grumbull, duke shkaktuar një mpiksje.

Një faktor tjetër që mund të shkaktojë mpiksjen e gjakut është prodhimi i fibrinës, e cila ndihmon lidhjen së bashku të trombociteve. Fibrina është produkti përfundimtar i një ujëvare të koagulimit (grumbullimit) të faktorëve që ndodh me aktivizimin e vetëm një molekule. Kjo, nga ana tjetër, mund të çojë në shpërthimin e deri në 30.000 molekulave fibrinë në vendin e lëndimit në murin arterial.

Faktorët që mund të shkaktojnë një shtim të palëvizshmërisë së trombociteve dhe të fibrinës përfshijnë: përdorimi i pilulave të pengimit të shtatzanisë, fazat e vona të shtatzënisë, mangësia në lëndët ushqyese, pirja e duhanit, radikalet e lira (ushqyesve joadekuate antioxidant), një dietë e lartë në kolesterol, acidet e ulëta yndyrore esenciale, një dietë e lartë në yndyrë të ngopur dhe e ulët në perime dhe peshk, si dhe sëmundjet e mëlçisë.

Qëndrimi  ulur në fluturime të gjata ajrore, veçanërisht në kushte shtrënguese dhe mpirje, mund të rrisë rrezikun e zhvillimit të trombozës pulmonare. Topat e gjakut të mpiksur që formohen në këmbë ose në pjesë tjetër të trupit shkëputen dhe pastaj bllokojnë një nga arteriet e mushkërive. Disa masa praktike parandaluese gjatë fluturimeve të gjata përfshijnë ngritjen dhe ecjen çdo orë, veshja e lirshme dhe e rehatshme, shtrirja e këmbëve në mënyrë periodike dhe shtrëngimi e lirimi i muskujve të barkut dhe të ndenjurave. Po kështu, marrja frymë ngadalë dhe thellë.

 1001536 VR1368L Deep Vein Thrombosis ChartTromboza e thellë venoze

Tromboza e thellë venoze (TTHV) është formimi i një trombi në një venë të thellë brenda një muskuli në trup. Zakonisht shfaqet në këmbë, por mund të zhvillohet edhe në duar, gjoks ose pjesët tjera të trupit.

Edhe pse është shumë e shpeshtë, tromboza e thellë venoze nganjëherë mund të jetë shumë e rrezikshme. Trombi mund ta bllokojë qarkullimin e gjakut në një ene në mushkëri, tru, zemër ose në ndonjë organ tjetër, duke shkaktuar dëmtim të rëndë të organit ose vdekje.
TTHV mund ta ndërpresë pjesërisht ose plotësisht qarkullimin e gjakut duke shkaktuar dhimbje kronike dhe ënjtje. Mund t’i dëmtojë valvulet në enët e gjakut duke e bërë të vështirë lëvizjen.

Trombi i gjakut, po ashtu, mund të shkëputet dhe të lëvizë në drejtim të organeve vitale. Atje mund të shkaktojë dëm më të madh, ndërsa mund ta shkaktojë vdekjen vetëm brenda disa orësh.
Shkaktari kryesor i trombozës së thellë venoze është qarkullimi i dobët i gjakut. Kur qarkullimi ngadalësohet, në gjak mund të formohen trombe dhe kështu shtohet rreziku për TTHV.

Ndërhyrjet e ndryshme kirurgjike mund ta shtojnë rrezikun për TTHV. Po ashtu, gjendjet e caktuara shëndetësore ose trajtimet mjekësore rrisin prirjen për ta zhvilluar trombozën e thellë venoze. Secila gjendje që kërkon pushim në krevat për më shumë se tri ditë, rrit rrezikun për TTHV.

 

Faktorët tjerë të rrezikut janë:
– Lëndimet
– Kanceri
– Histori me trombozë venoze ose emboli pulmonare
– Gjendje e trashëguar që nxit koagulimin e gjakut
– Paralizë nga lëndimi i palcës kurrizore
– Përdorimi i terapive hormonale
– Shtatzënia ose periudha menjëherë pasi keni lindur foshnjën
– Varikoze venoze
– Histori me sëmundje kardiovaskulare
– Sëmundje inflamatore të zorrëve
– Mosha mbi 60 vjet
– Qëndrimi ulur dhe mungesa e aktivitetit për kohë të gjatë
– Udhëtimet e gjata me automjete
– Mbipesha
– Duhanpirja
Gjysma e rasteve me trombozë të thellë venoze nuk shkaktojnë simptoma. Nëse keni ndonjërin nga simptomat e shënuar më poshtë, sidomos nëse shfaqen papritur, atëherë vizitoni mjekun:
– Ënjtje në njërën ose të dyja këmbët
– Dhimbje ose ndjeshmëri në njërën ose të dyja këmbët, që ndodh vetëm nëse jeni në këmbë ose duke ecur
– Nxehtësi në lëkurën e këmbës së prekur
– Vena të dukshme sipërfaqësore

– Lodhje të këmbëve
Nëse trombi shkëputet dhe arrin në mushkëri, kjo quhet emboli pulmonare dhe mund të jetë fatale. Embolia pulmonare mund të mos japë simptoma, por papritur mund të ndodhë kollitje, dhimbje e mprehtë në gjoks, frymëmarrje e shpejtë ose gulçitje gjatë frymëmarrjes, marramendje dhe kokëdhimbje.

 

TRAJTIMET NATYRALE TË TROMBOZËS

Ushqimi
Ushqimet që veprojnë për të ulur palëvizshmërinë e trombociteve dhe formimin e fibrinës përfshijnë: hudhër, xhenxhefil, qepë, dhe speca djegës, të cilat mbrojnë kundër sulmit në zemër dhe infarktit.
Përdorni hudhër pluhur në ushqim si një nuancë të rregullt.
Vajrat e peshkut ndihmojnë gjithashtu për të reduktuar mpiksjen e gjakut. Shtoni konsumin e peshkut të ujërave të ftohta (peshkut të egër të detit) të paktën tre herë në javë, si:
• Sardele
• Salmon
• Ton Albacore
• Skumbri
• Troftë Liqeni
• Cëragë
Ulni konsumin e sheqerit sepse futja e sheqerit në trup rrit palëvizshmërinë e trombociteve.
Aromaterapia
Vaj i bimës së Arit të Diellit (Helichrysum) është i njohur për dobitë në qarkullimin e gjakut. Ai ka veti anti-ngurtësim dhe anti-mpiksje dhe ndihmon qartë në akumulimin e gjakut ose trombet e gjakut që rrjedhin nga një hemorragji. Kjo mund të jetë shumë e dobishme për të pastruar mpiksjen e gjakut në tru, pas një hemorragjie të trurit. Këto trombe shpesh ndërhyjnë në funksionimin normal të trurit. Ky vaj nxit shpërbërjen ose shkrirjen e trombeve të tilla. Ai mund të hollohet me vaj vegjetal dhe të aplikohet në tëmthat e kokës ose / dhe në këmbë.
Salicilatet
Salicilatet janë hollues natyral të gjakut; disa substanca që bllokojnë vitaminën K. Më të njohura nga këto substanca është aspirina, por shumë ushqime, të tilla si ruajtësit dhe aromatizuësit, gjithashtu përmbajnë salicilate apo substanca si aspirina.

Disa individë janë të ndjeshëm ndaj aspirinës dhe Salicilateve kështu që është mirë që të konsultoheni me një mjek të licencuar shëndetësor përpara se të bëni ndonjë ndryshim në dietën tuaj. Për ata që kanë ndjeshmëri dhe alergji nga salicilata, është e rëndësishme të kosnumojnë një sasi të balancuar të ushqimeve me përmbajtje të vitaminës K. Vitamina K luan një rol të rëndësishëm në trup dhe në proceset e koagulimit (mpiksjes) së gjakut.
Ushqimet që janë të larta në salicylates përfshijnë shumë erëza,  fruta, fruta të thata, arra, dhe gjithashtu disa aromatizues dhe ruajtës.

Frutat e larta në salicylates përfshijnë:
• Rrush i thatë
• Kumbulla e thatë
• Qershi
• Vishnje
• Boronica
• Rrush
• Luleshtrydhe
• Mandarina
• Portokalle
Substanca të tjera të larta në salicylates:
• Mjaltë
• Uthull
• Musht
Ushtrimet fizike

Ushtrimi i moderuar mund të ndihmojë në mbrojtjen kundër sulmeve në zemër dhe tru duke përmirësuar mekanizmin natyral të trupit për shpërbërjen e mpiksjes së gjakut.

Terapia me lëngje
Kombinoni: lëng hudhre +karrota + majdanoz + spinaq + selino + panxhar dhe pini 250-300ml në ditë.

Produktet bimore te sigurta dhe efektive.

ginkgotalis cap 300-300

alb365.com/mjeksiaarabe

Add a Comment

Twitter
@ALB365 on Twitter
Latest Tweet:
0 people follow @ALB365

Këtë e pëlqejnë %d blogues:
Read more:
Ish sigurimsat , largimet nga puna deri ne 2020

Tiranë - Hapja e dosjeve të zyrtarëve publikë, apo verifikimi i atyre që duan të marrin një post të tillë,...

Close