|E hënë, Korrik 24, 2017

Vrasja e biznesmenit, espertet: Vrasje me pagese. 

makina 4     Durres – Kujtim Dyrmishi, 49 vjeç, i njohur me pseudonimin Tixhja, u ekzekutua me 8 plumba, në një atentat në zonën e plazhit, në sektorin Iliria, brenda në makinën e tij. Ngjarja ndodhi rreth orës 11 të paradites së djeshme, në plazhin e Durrësit, në rrugën nacionale, në prani të shumë banorëve dhe pushuesve që gjendeshin në rrugë. Mbi viktimën, shok i biznesmenit të vrarë Xhemal Çela, qëlluan dy persona që udhëtonin me një automjet me targa Kosove.

POLICIA

Pavarësisht se deri në mbrëmje vonë e gjithë zona rurale e Durrësit u blindua nga policia, e cila mori nën mbikëqyrje rrugët kryesore, nuk është parë asnjë gjurmë e tre autorëve të atentatit. Sipas policisë, tre persona të maskuar kanë marrë pjesë në atentat, dy prej të cilëve kanë shtënë me breshëri automatiku, ndërsa i treti ka qenë shofer. Deri në mbrëmje janë shoqëruar 13 persona në policinë e Durrësit, ndërsa pista kryesore mbetet ajo e hakmarrjes. Sipas burimeve policore, Dyrmishi njihej si ish-ortak në biznesin e ndërtimeve me biznesmenin e vrarë në muajin janar, Xhemal Çela, në po të njëjtën zonë, gjatë një shpërthimi me tritol të telekomanduar. Ndërkaq, automjeti i autorëve dhe armët e gjetura po i nënshtrohet ekspertizës, për të mbledhur gjurmët e gishtave apo prova të tjera të rëndësishme që mund të kenë lënë autorët. Këto janë dërguar në laboratorin e Institutit të Kriminalistikës për verifikim të hollësishëm. Tre autorët, pas atentatit të kryer janë larguar me shpejtësi në drejtim të rrugës nacionale Durrës-Shijak. Automjeti tip “Benz” me targa kosovare 01204KS me të cilin u krye atentati, u gjet një orë më pas në kodrën e Rrashbullit, afër një tuneli, i braktisur. Brenda automjetit të përdorur nga atentatorët, policia sekuestroi 3 armë zjarri, 2 “Scorpions” dhe 1 automatik model 56.

KRIMI

Dyrmishi, lindur në Cërrik e banor i zonës së plazhit, kishte ndaluar makinën e tij “Benz” me targa italiane DP411VF në stacionin Iliria, në sensin e rrugës Plepa-Durrës, dhe ka qëndruar për të blerë një paketë cigare tek një prej dyqaneve anash rrugës kryesore. Sapo është futur në automjetin e tij, është qëlluar me breshëri nga dy persona të maskuar me kamuflazh me breshëri automatiku. Të paktën 25 gëzhoja ka sekuestruar policia në vendngjarje. 49-vjeçari ka mbetur i vdekur në vend, ndërsa 60 minuta më pas është bërë zhvendosja e trupit drejt morgut të spitalit të Durrësit, pasi djali i tij 25-vjeçar bëri identifikimin e trupit të viktimës.

alb365.com

Add a Comment

Twitter
ALB365 on Twitter
Latest Tweet: Sali Berisha shpartallon grupin anti-Basha. https://t.co/R9r2HMsCIB https://t.co/JPBARzCxsh
11,311 people follow ALB365
Twitter Pic OwenFxtr Twitter Pic Zqyew Twitter Pic MilyarTa Twitter Pic emel_sal Twitter Pic Danchfil Twitter Pic Hanadi80 Twitter Pic Bougainv Twitter Pic olsimust Twitter Pic albanaHa Twitter Pic kwabbybo Twitter Pic PercjaSu Twitter Pic Ianndest Twitter Pic brent633 Twitter Pic ivicespe Twitter Pic dawifey1 Twitter Pic maycol_p Twitter Pic bs_badgu Twitter Pic angie_an Twitter Pic be_be_AT Twitter Pic koseno
Këtë e pëlqejnë %d blogues:
Read more:
Grabitje me armë në Tiranë

Tiranë - Një grabitje me armë ka ndodhur mbrëmjen e sotme në Tiranë. Mësohet se ngjarja ka ndodhur në rrugën...

Close