Tuesday, September 27, 2022
spot_imgspot_imgspot_imgspot_img
HomeAKTUALITETSkafi godet për vdekje fëmijën 5 vjeç në Himarë

Skafi godet për vdekje fëmijën 5 vjeç në Himarë

Ka humbur jetën fëmija i përplasur nga skafi në Himarë. Ngjarja ka ndodhur ditën e sotme në plazhin e Potamit, në Himarë.

Lajmi është konfirmuar nga policia lokale, e cila ka shoqëruar personin që po drejtonte mjetin lundrues, i cili është një ish-punonjës i Policisë së Shtetit.


Ky është incidenti i tretë i shënuar brenda pak kohësh, ndërkohë që policia ka njoftuar se ka intensifikuar kontrollet në bregdet për të parandaluar aksidentet me mjete lundruese.

Të dhënat zyrtare thonë se fëmija 5 vjeç ka humbur jetën në vendin e ngjarjes.

Burime bëjnë me dije se fëmija kishte ardhur me familjen për pushime nga Holanda.

Policia e Himarës/ Informacion paraprak

Sot, rreth orës 14:00, në plazhin e Potamit, shtetasi A. T., duke drejtuar një mjet lundrues tip skaf, dyshohet se ka humbur kontrollin mbi drejtimin e mjetit lundrues dhe për pasojë mjeti lundrues ka goditur një fëmijë rreth 5 vjeç, i cili për shkak të dëmtimeve ka ndërruar jetë në vendngjarje.

Drejtuesi i mjetit lundrues është shoqëruar në Komisariatin e Policisë Himarë dhe po kryhen procedurat për arrestimin e tij. 

Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.

RELATED ARTICLES

Leave a Reply

- Advertisment -

MË TË LEXUARA

LAJMET E FUNDIT

%d bloggers like this: