Shqiptarët janë delja e zezë, kudo që flitet për mafie dhe banda. Policia holandeze ka arrestuar katër persona, si të dyshuar të lidhur me mafien e trafikut të drogës në Europën Veriore, por edhe si autorë të dyshuar të tentativës për rrëmbimin e ministrit belg të Drejtësisë, Vincent Van Quickenborne.
Plani i dështuar i rrëmbimit u pengua thuajse rastësisht nga policia holandeze, e cila të enjten e kaluar identifikoi një makinë me targë holandeze të parkuar jashtë shtëpisë së ministrit belg, brenda të cilës kishte një pushkë dhe shirit ngjitës, ndërsa në një makinë tjetër, po ashtu e regjistruar në Holandë, janë gjetur disa shishe me benzinë.
Ministri në një video-mesazh, foli për “mafinë e drogës”. ”Për momentin do të jem nën mbikëqyrje të ngushtë dhe nuk do të mund të marr pjesë në disa aktivitete të planifikuara në ditët në vijim. Nuk është e këndshme, por është e kuptueshme”.
Lajmi për tentativën e rrëmbimit njofton përshkallëzimin e pranisë mafioze në Europën veriore.
