Një grua e akuzuar për bashkëpunim në vrasje pasi burri i saj i konsideruar “trafikant kokaine” u gjetur i vdekur në shtëpinë e tyre luksoze në Britani.
38-vjeçarja Colleen Campbell, nga Manchester është akuzuar për vrasje pasi bashkëshorti i saj Thomas Campbell, gjithashtu 38 vjeç, u gjet i vdekur në shtëpinë e tyre më 3 korrik.
Ajo u paraqit për herë të parë në gjykatë këtë të martë. Si bashkëpunëtor i saj konsiderohet 37-vjeçari Stephen Raymond Cleworth.
Babai i dy fëmijëve jetonte një jetë luksoze dhe fitonte dhjetëra mijëra paundë në javë nga rrjeti i tij i shpërndarjes së kokainës.
Campbell ishte burgosur për 2 vjet në 2019 për fshehje të pasurisë ndërsa bashkëshortja e tij, Colleen punonte “part time” në supermarket.
Ai shkonte rregullisht për pushime në Cancun të Meksikës, Sharm El Sheikh në Egjipt, në plazhet e Spanjës e Bullgarisë.
Kur Campbell po hetohej për financat e tij, policia zbuloi se ai dhe gruaja kishin bërë pushime 10-ditore në Meksikë me fëmijët e tyre, duke qëndruar në hotelin me 5 yje Hard Rock në Cancun.
Mes viteve 2012 e 2016 Campbell kishte paguar paradhënie për makina BMW, Audi dhe Mercedes.
Campbell besohet se përdorte familjarët e tij në rrjetin e shpërndarjes së drogës pasi vëllai Lee Campbell dhe kushëriri Stephen Campbell janë dënuar për zotërim e shpërndarje kokaine. ©LAPSI.al
