Burri vret gruan. Detaje nga krimi në familjen shqipare në Greqi
Një ngjarje e rëndë ka ndodhur në zonën e Volosit në Greqi, ku një 40-vjeçar shqiptar ka vrarë gruan e tij 36-vjeçare, me të cilën kishte katër fëmijë dhe më pas është arratisur.
Sipas mediave greke, krimi ndodhi në ndërtesën ku jetonte familja, në rrugën Konstanda. Mësohet se sherri mes tyre filloi brenda apartamentit dhe vazhdoi në hyrje të ndërtesës.
Më pas 40-vjecari dyshohet se e vrau gruan e tij, gjithashtu shqiptare, me një mjet të mprehtë dhe menjëherë më pas u largua nga vendi i ngjarjes duke vrapuar përmes rrugës Gladstonos.
Të tjera detaje janë zbardur nga ngjarja e rëndë në Volos të Greqisë, ku një grua shqiptare ka mbetur e vrarë me thikë nga bashkëshorti, i cili është në arrati.
Sipas raportimeve nga mediat greke, ngjarja ka ndodhur në prani të fëmijëve të çiftit, njëri prej të cilëve ka dhënë një dëshmi tronditëse para autoriteteve:
E pashë babain duke e vrarë nënën me thikë”, është shprehur ai.
Krimi ndodhi në pallatin ku jeton familja në rrugën Konstanta. Sherri filloi në apartamentin e tyre dhe çifti zbriti në hyrje të pallatit ku vazhduan të ziheshin. Më pas, burri 40 vjeçar, vrau gruan e tij 36 vjeçe dhe u largua menjëherë nga vendi i ngjarjes.
Sipas informacioneve nga protothema.gr, nuk ka pasur të dhëna për dhunë në familje, megjithatë, autori ishte përdorues droge.
