“Ata kërcejnë me perënditë. Vallet e tyre janë Rite dashurie për tokën, të shtruara, të urta. Ata, fustanellë bardhët, shpirtbukurit, FIERAKËT, Muzakët.
Shekuj të tërë qytetërim! Muret me afresket e shenjtorëve mbajnë të shenjuar historinë e Shqipërisë. FIERAKËT, Zemërbardhë si fushat në gjerësi. Shpirtkristal e mendjebukur, si vendi i tyre. Dora e tyre mbjell farën dhe fton miq. Nëpër valë të detit të tyre është stolia më e bukur që syri më ka parë. Qëndisur në argjend, qëndisur në ar.
Të lashta festat i kanë, festojnë si Dionisakët, këndojnë e hedhin valle si muzakët. Fieri, i përkundur nga valët, i ngrohur nga dielli, Shqipëriza e vogël, e urta, zemërbardha, krahëhapura,
ZBULONI SHQIPËRINË E BUKUR NË ZEMËR TË MYZEQESË!”, shkruan ministri Blendi Gonxhja në një postim në rrjetet sociale.
