Rey Manaj konfirmon formën fantastike edhe në Kupën e Turqisë. Sulmuesi shqiptar ishte protagonist absolut për Sivasspor, në triumfin 4-0 që skuadra e tij regjistroi përballë Artvin Hopaspor.
Manajt i mjaftoi një pjesë loje, që të vuloste kualifikimin në turin e katërt. Ai shënoi tre gola në harkun e 42 minutave. Pas avantazhit në të gjashtën, sulmuesi dyfishoi në minutën e 35-të të ndeshjes.
Përpara pushimit ndërmjet pjesëve, Manaj realizoi edhe golin e tretë personal, duke fituar të drejtën të merrte topin në shtëpi. Rey Manaj ngjitet në kuotën e 5 golave të shënuar në këtë fillim të sezonit.
