Mbi 40 vjet burg për 7 shqiptarë/ Kishin ngritur një rrjet “shtëpish bari” në Britani

7 shqiptarë u dënuan me gati 40 vite burg në total për përfshirjen e tyre në një rrjet të madh furnizimi me drogë me bazë në West Midlands të Anglisë. Në maj të 2022, oficerë të policisë dhe Njësia Rajonale e Krimit të Organizuar të West Midlands filluan një hetim mbi shitjen dhe prodhimin e kanabisit në shkallë të gjerë në të gjithë Mbretërinë e Bashkuar.

7 të arrestuarit e pranuan të gjithë pranuan fajësinë për furnizim dhe prodhim kanabisi. Të mërkurën e kaluar (17 shtator), ata u dënuan në Gjykatën e Kurorës në Birmingham si më poshtë:
Erikson Kararaj, 34 vjeç nga Birmingham u burgos për 8 vjet.
Arben Sinjari, 48 vjeç nga Birmingham u burgos për 7 vjet.
Islam Toro, 31 vjeç nga Tipton u burgos për 5 vjet e 8 muaj.
Klajdi Zyka, 28 vjeç nga Darlaston u burgos për 5 vjet.
Qemal Sakaj, 29 vjeç nga Birmingham u dënua me 4 vjet e 6 muaj.
Avdulla Delbashi, 31 vjeç nga Birmingham u dënua me 4 vjet e 4 muaj burg.
Soni Gremshi, 37 vjeç nga Birmingham u dënua me 3 vjet e 4 muaj burg.

Hetimi zbuloi se Sinjari dhe Kararaj drejtonin grupin, i cili prodhonte kanabis në një numër pronash në të gjithë Mbretërinë e Bashkuar duke vjedhur ilegalisht energjinë elektrike. Personat e tjerë ishin të përfshirë në mirëmbajtjen dhe kultivim. Më pas ata përfshiheshin në shitjen dhe shpërndarjen në të gjithë vendin.

Mesazhet telefonike dhe regjistrat e shkruar me dorë, të gjetur nga oficerët nga adresa e Sinjarit, treguan se grupi ishte përgjegjës për prodhimin dhe shitjen e qindra kilogramëve kanabis. Në total, 17 prona të konvertuara për kultivimin e kanabisit ishin të lidhura me grupin të shtrira në Birmingham dhe Coventry, por edhe më larg në vende si Leicester dhe Rotherham.

Më shumë se 4 000 bimë kanabisi u sekuestruan gjatë hetimit, me një vlerë të mundshme në rrugë prej miliona paundësh. Oficerët gjithashtu gjetën dhjetëra mijëra paund në para të gatshme, disa kilogramë kanabis bimor dhe pajisje për kultivimin e drogës.

Rreshteri Ryan Matthews tha: “Ky ishte një hetim kompleks që çoi oficerët nga West Midlands në të gjithë vendin, duke zbuluar një rrjet të lartë furnizimi me drogë. Në fund të fundit, të gjithë këta burra kanë bërë një zgjedhje për të provuar dhe përfituar nga shitja e drogës, dhe veprimet e tyre me të drejtë i kanë çuar ata në burg. Dëmi që droga dhe trafikimi i drogës u sjellin komuniteteve nuk duhet nënvlerësuar, dhe ne mbetemi absolutisht të përkushtuar për ta luftuar atë dhe për t’i sjellë ata që janë të përfshirë para drejtësisë.”