Objekt ‘misterioz’ bie nga qielli në një fushë të Argjentinës, panik te banorët

Një objekt misterioz cilindrik ka rënë nga qielli në një fushë në Puerto Tirol, Argjentinë, duke shkaktuar panik te banorët.

Objekti, rreth 1.7 metra i gjatë dhe 1.2 metra i gjerë, ishte i përbërë nga fibra dhe metali, dhe fillimisht u dyshua si mjet shpërthyes.

Pas ekspertizës së policisë dhe njësive të çminimit, u konfirmua se bëhej fjalë për një “kapsulë rezervuari karburanti hapësinor”.

Specialistët e identifikuan si një lloj rezervuari i lehtë dhe rezistent që përdoret për mbajtjen e lëngjeve nën presion të lartë.

Dyshohet se kapsula ka rënë nga një raketë kineze, e lëshuar vetëm një ditë më parë nga brigjet e Kinës.

Ky incident vjen mes shqetësimeve në rritje për mbeturinat hapësinore, të cilat po shtohen ndjeshëm për shkak të bumit të satelitëve. /Telegrafi/