Eurodeputeti shqiptaro-grek, Fredi Beleri është zgjedhur nënkryetar i dytë i Komisionit të Peticioneve të Parlamentit Evropian, gjatë procesit të sotëm për kryetarët e komisioneve të PE.
Lajmin për këtë pozicion Beleri e ka marrë teksa ndodhet në qeli. ”Falënderoj kolegët e mi për zgjedhjen time nënkryetar të Komisionit të Peticioneve, për të cilën u informova në burg. Është një nder i madh dhe një përgjegjësi akoma më e madhe për një eurodeputet të sapozgjedhur. Së shpejti aventura ime do të përfundojë dhe unë do të mund të kryej me votë detyrat që më kanë besuar qytetarët grekë”, thotë Beleri.
