Pas një pune të gjatë dhe kërkimore, kam kënaqësinë t’ju njoftoj se vëllimi im i ri, “Manifesti i Kombit Shqiptar”, do të jetë gati në duart tuaja brenda muajit Prill.
Ky libër nuk është thjesht një arkivë dëshmish, por një thirrje urgjente për ndërgjegjësim. Ai analizon se si “trungu” ynë organik është gjendur nën presionin e vazhdueshëm të projekteve asimiluese nga “Megali Idea” në Jug e deri te “Naçertania” në Veri.
Në këto faqe, ne dokumentojmë “vrasjen juridike” përmes ligjeve të luftës, tjetërsimin e toponimeve dhe rrethimin e periferive tona, nga Lugina e Preshevës dhe Malësia, e deri në Çamëri. Çdo goditje në periferi është një goditje direkt në zemrën e Prishtinës dhe Vlorës.
“Manifesti i Kombit Shqiptar” ofron një platformë të re strategjike për të ardhmen tonë, përmes Platformës së Bashkimit Funksional.
Në shtyp: Prill 2026
Autor: Azgan Haklaj
