Shtohen rastet e dhunës ndaj personit në Fier dhe Lushnje

Fier – Shtohen rastet e dhunës në rrethet Fier dhe Lushnje. Lajmin e konfirmon policia e Fierit e cila bën publike dhe rastet.

Shërbimet e Komisariatit të Policisë Divjakë arrestuan në flagrancë shtetasin E. Q., 37 vjeç, banues në Divjakë, pasi ka goditur me grushte, kushëririn e tij, si dhe i ka dëmtuar dyqanin.

Shërbimet e Komisariatit të Policisë Fier:
-arrestuan në flagrancë shtetasin R. M., 30 vjeç, banues në Fier, pasi ka goditur me grushte dhe me send të fortë, xhaxhanë e tij;
-referuan materialet në Prokurori, ku nisi procedimi penal për shtetasit B. H., 51 vjeç dhe F. N., 32 vjeç, të dy banues në Roskovec, pasi dyshohet se për motive të dobëta, kanë kanosur një 37-vjeçar.

Shërbimet e Komisariatit të Policisë Lushnjë referuan materialet në Prokurori, ku nisi procedimi penal për shtetasin A. K., 74 vjeç, banues në Lushnjë, pasi dyshohet se ka ushtruar dhunë ndaj vëllait të tij.

Specialistët e Sektorit të Qarkullimit Rrugor referuan materialet në Prokurori, ku nisi procedimi penal për dy 16-vjeçarë, pasi u kapën duke drejtuar automjete, pa leje.

Specialistët e Komisariatit të Policisë Mallakastër referuan materialet në Prokurori, për vlerësim, pasi ditën e djeshme, është gjetur e vetëvarur në oborrin e banesës së saj, në fshatin Usojë, shtetasja T. Z., 88 vjeçe, e cila vuante nga depresioni.

Materialet procedurale iu referuan Prokurorisë së Fierit, për veprime të mëtejshme.