Mandarinat me shijen e tyre të ëmbël dhe të thartë sigurojnë një të tretën e nevojës ditore për vitaminë C, si dhe përmbajnë substanca që kanë veti anti-inflamatore dhe antioksiduese.
1. Janë të pasura me antioksidantë
Antioksidantët ndihmojnë në mbrojtjen e trupit kundër radikalëve të lirë, përndryshe mund të çojë në oksidim. Oksidimi mund të nxisë plakjen dhe sëmundjet.
2. Sistemi imunitar më i mirë
Duke pasur parasysh që përmbajnë një përqindje të lartë të vitaminës C, ato mund të përmirësojnë sistemin imunitar. Vitamina C është një antioksidant që rrit funksionin e qelizave imune. Përmirëson integritetin e lëkurës dhe indeve.
Studimet kanë treguar se mandarinat mund të zvogëlojnë rrezikun e zhvillimit të kancerit të mëlçisë, transmeton Alsat M.
3. Ato ndihmojnë në rënien në peshë
Duke pasur parasysh se janë një burim i rëndësishëm fibrash dhe japin një ndjenjë ngopjeje për një kohë më të gjatë, mandarinat ndihmojnë në humbjen e peshës.
Ata zvogëlojnë dëshirën për të ngrënë më shumë ushqim. Mjekët kanë zbuluar se konsumimi i mandarinave ndihmon në uljen e insulinës sepse sheqeri në fruta shndërrohet në energji.
Ato gjithashtu zvogëlojnë rrezikun e gurëve në veshka. Nivelet e ulëta të citratit në urinë mund të shkaktojnë formimin e disa llojeve të gurëve në veshka
