Shkencëtarët kinezë thonë se kanë zhvilluar një ilaç potencial që rrit jetëgjatësinë . Sipas tyre ilaçi i quajtur “aldometanib” aktivizon një enzimë në qeliza që rregullon energjinë dhe redukton ruajtjen e yndyrës.
Ekipi, i udhëhequr nga studiues nga Universiteti Xiamen, tha se përbërja kimike kishte treguar në eksperimente se zgjat jetëgjatësinë te krimbave dhe minjtë, dhe se gjithashtu ishte një terapi e mundshme për trajtimin e çrregullimeve metabolike si diabeti dhe sëmundjet e mëlçisë yndyrore.
Autori kryesor Profesor Lin Shengcai, një biolog në Universitetin Xiamen, tha se ilaçi u zhvillua bazuar në mekanizmin e një praktike të lashtë kineze të agjërimit të quajtur bigu , ose “shmangia e grurit”.
“Ne e gjetëm çelësin e zgjatjes së jetës në kufizimet e kalorive dhe agjërimin”, tha shkencëtari i Akademisë Kineze të Shkencave.
Shkencëtarët zbuluan se ilaçi aldometanib zgjati jetëgjatësinë te krimbat e vegjël nga një moshë mesatare prej 18 deri në 26 ditë dhe te minjtë me të paktën 7.5 për qind.
