Një 46 vjeçar grek dhe dy shqiptarë 30 vjeçarë akuzohen si bërthama e një grupi kriminal të pastrimit të parave në Kretë.
Policia ka arrestuar gjithashtu dy persona të tjerë, një 45-vjeçar dhe një 24-vjeçar, i cili përdorte një lokal në periferi dhe së bashku me dy të parët kryenin pastrimin e parave.
Sipas raportimeve, ata kishin zhvatur një sërë personash duke u marrë shuma të majme dhe më pas blinin makina luksoze si Porsche, Jaguar apo Epau.
“Çdo dëshmi është një histori e dhimbshme”, tha një oficer i policisë.
Ata i zhvatnin njerëzit përmes një skeme huamarrjeje, gati në terma mafiozë dhe shkatërrues. Çdo rast ishte i ndryshëm, por në përgjithësi për një kredi prej 5000 euro, interesi mund të ishte deri në 2000 euro në muaj. Nëse kishte vonesa në pagesën e kamatës, kamata bëhej dyfish dhe trefish. Një shumë prej 5000 euro mund të shndërrohej në si formë për t’u shlyer deri 50.000 euro!
Informacionet sugjerojnë se kishte edhe persona të cilët kishin probleme shëndetësore apo duhet të kryenin një operacion për veten ose fëmijët e tyre dhe kanë marrë hua me kamatë, duke “nënshkruar” dënimin e tyre.
Gjithashtu, ka pasur edhe persona të cilët për shkak të pandemisë, për të mos i vënë drynin bizneseve të tyre (kompani, dyqane, farmaci etj.) janë detyruar të merrnin hua nga banda e zhvatësve, për të shpëtuar biznesin e tyre dhe tani po mbyten nga laku i kamatës dhe i kërcënimeve.
Presioni ishte aq i madh sa disa kishin kaluar në procesin e shitjes së pronave të tyre për të shlyer kreditë.
Nga ana e tij, 46-vjeçari është një person i njohur në Heraklion, si nga çështje të ndryshme kriminale, ashtu edhe nga prania e tij gjatë jetës së natës dhe në palestra. Ndërsa dy shqiptarët nuk janë shum të njohur për drejtësinë greke.
Sipas policisë greke, në dosje ka dëshmi të rënda të viktimave që kanë besuar drejtuesit e Organizatës dhe kanë pranuar të flasin.
Por atje, ka të tjerë (ata tashmë i njohin disa prej tyre) që ende heshtin nga frika.
“Tani është koha për të folur. Një përpjekje shumë serioze po bëhet për “pastrimin” e peizazhit. Është në duart e tyre. Ne e zgjasim dorën për t’i ndihmuar”!
