Thomas Strakosha ende nuk ka vendosur për destinacionin e ri, teksa tashmë është futbollist i lirë për shkak të skadimit të kontratës me Lazion. 27-vjeçari po merr kohë dhe po shqyrton ofertat të cilat nuk i mungojnë sidomos ato nga Premier League.
Strakosha së fundmi është përfshirë nga L’Equipe në 11-tëshen e futbollistëve pa kontratë. Së bashku me portierin shqiptar në formacionin e prestigjiozes franceze janë përfshirë edhe emra tejet të njohur si Pogba, Dybala, Dembele apo Marcelo.
